Guðlaugstungur meðal fimm svæða sem tilnefnd eru í net verndarvæða Bernarsamningsins
Ísland hefur tilnefnt fimm náttúruverndarsvæði hér á landi til að verða hluti af neti verndarsvæða Bernarsamningsins, sem kallast Emerald Network, eftir því sem fram kemur á vef stjórnarráðsins. Þetta var tilkynnt á 41. fundi fastanefndar Bernarsamningsins sem haldinn var í byrjun desember síðastliðinn. Guðlaugs- og Álfgeirstungur er eitt þessara svæða en þau tilheyra Húnavatnshreppi.
Á heimasíðu Náttúrufræðistofnunar Íslands kemur fram að Bernarsamningurinn fjalli um vernd villtra plantna, dýra og búsvæða þeirra í Evrópu og gerðist Ísland aðili að samningnum árið 1993 en til að fylgja eftir markmiðum samningsins eru aðildarríki hvött til að gera tillögu að neti verndarsvæða sem saman mynda eitt net fyrir Evrópu, er kallast Emerald Network.
Guðlaugstungur og Álfgeirstungur eru austan Blöndu,
frá Hofsjökli norðvestur að Blönduvaðaflóa í Blöndulóni,
að austan um Sátu og Hraungarðshaus. Mynd: ni.is.
„Svæðin fimm sem tilnefnd eru sem fyrstu íslensku svæðin í Emerald Nework eru Guðlaugs- og Álfgeirstungur, Vatnajökulsþjóðgarður, Verndarsvæði Mývatns og Laxár, Vestmannsvatn og Þjórsárver. Allt eru þetta friðlýst svæði sem uppfylla kröfur Bernarsamningsins um verndun vistgerða og tegunda og búsvæða þeirra að hluta eða öllu leyti. Svæðin fimm eru einnig meðal svæða sem Náttúrufræðistofnun Íslands hefur lagt til að verði á framkvæmdaáætlun (B-hluta) náttúruminjaskrár út frá verndun vistgerða, fugla, sela og jarðminja á Íslandi en með henni eru lögð drög að neti verndarsvæða hér á landi,“ segir í frétt NÍ en stofnunin undirbjó gögnin sem fylgdu tilnefningunni og voru þau afhent þann 1. desember 2021. Næstu skref eru þau, segir á ni.is, er að tilnefningar Íslands verða metnar af sérfræðingum samningsins í samstarfi við íslensk stjórnvöld og er niðurstöðu að vænta á þessu ári.“
Á Emerald Network svæðum er gerð krafa um lagalega stöðu verndunar, umsjón, vöktun og áætlanir um hvernig vernd og stjórnun verði háttað og segir á vef stjórnarráðsins að þessi svæði hafi verið valin af því að þau uppfylla þær kröfur að hluta eða öllu leyti og vegna þess að þar séu tegundir eða lífsvæði sem mikilvægt er að vernda samkvæmt Bernarsamningnum.
„Í samvinnu við Ísland verða tillögur Íslands metnar af sérfræðingum samningsins m.t.t. þeirra gagna sem skilað var inn til samningsins. Ekki liggur því enn fyrir hvort svæðin verði samþykkt sem hluti af Emerald Network, en niðurstöðu er að vænta á næsta ári.,“ segir á stjornarradid.is.
Guðlaugstungur eru eitt fjölbreyttasta rústamýrasvæði
landsins og raunar eitt af fáum svæðum þar sem
rústamýravist er til staðar, segir á ni.is.
Mynd: Ni.is/ Kristbjörn Egilsson.
Guðlaugstungur eru víðfeðmt og gróskumikið landsvæði á hálendinu upp af Blöndulóni, segir á WikiPedia og er svæðið mikilvægt varp- og beitiland heiðagæsar. „Guðlaugstungur, Svörtutungur og Álfgeirstungur (Ásgeirstungur) voru friðlýstar árið 2005. Friðlýsta svæðið nær frá Hofsjökli niður að ármótum Blöndu og Haugakvíslar við Blöndulón. Svæðið er langstærsta heiðargæsabyggð í heimi en um fjórðungur íslensk-grænlenska heiðagæsastofnsins verpir þar. Á svæðinu eru einhver mestu og samfelldustu votlendissvæði miðhálendisins. Fuglalíf á svæðinu er fjölskrúðugt og eru 28 tegundir árvissir varpfuglar. Mest er af heiðlóu, lóuþræl, þúfutittlingi og heiðagæs. Guðlaugstungur eru að mestu háslétta í 540-500 m.y.s.“
Fleiri fréttir
-
Eitthvað smávegis á góðan stað
feykir.is Skagafjörður, Mannlíf, Lokað efni 01.07.2025 kl. 19.44Tónleikarnir Græni salurinn fóru fram síðastliðið föstudagskvöld og vel tókst til að venju en tónleikarnir að þessu sinni voru tileinkaðir minningu listamannsins Gísla Þórs Ólafssonar (Gillons). Þegar tilfallandi kostnaður við tónleikahaldið hafði verið gerður upp var einhver afgangur eftir og í dag fóru tónleikahaldarar og færðu fjölskyldu Gísla það sem út af stóð.Meira -
Bikarkeppni Frí 2025 á Sauðárkróki um næstu helgi
feykir.is Skagafjörður, Íþróttir, Lokað efni 01.07.2025 kl. 15.40Það verður sprett úr spori, stokkið og kastað á Bikarkeppni Frjálsíþróttasambandsins á Sauðákróksvelli 5 – 6 júlí, sem sagt um næstu helgi. Keppt er í 2. flokkum, kvenna og karla, fullorðnir og 15 ára og yngri.Meira -
Getur þú bætt í þekkingarbrunn um íslenska náttúru? | Jóhann Helgi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.07.2025 kl. 14.18Ísland er auðlindaríkt land, en auðlindirnar sem oft er litið fram hjá í daglegri umræðu eru þær sem felast í gróðri og jarðvegi. Íslensk gróðurvistkerfi hafa sögulega orðið fyrir miklu raski svo sem rofi og því er einstaklega mikilvægt að hlúa að móunum okkar. Til þess er ómetanlegt að eiga góðar myndir af landi svo hægt sé að fylgjast með gangi mála. Þar gætir þú, kæri lesandi, komið sterkur inn. Með þátttöku í verkefninu Landvöktun – lykillinn að betra landi, sem ætlað er að kanna ástand þessara auðlinda og hvernig þær þróast, getur þú bætt í þennan mikilvæga þekkingarbrunn.Meira -
Fjóla fór á grásleppu á Skagafirði
feykir.is Skagafjörður, Mannlíf, Lokað efni 01.07.2025 kl. 11.51Í byrjun júní voru frumfluttir tveir útvarpsþættir á Gömlu gufunni þar sem Króksarinn brottflutti, Fjóla K. Guðmundsdóttir, kynnir sér grásleppuveiði og skellir sér á sjóinn með Guðmundi Hauki frænda sínum, syni Smilla heitins á Þorbjargarstöðum á Skaga og Brynju Ólafsdóttur. Í fyrri þættinum kynnti Fjóla sér undirbúning veiðanna og lærði eitt og annað gagnlegt en í seinni þættinum er haldið út á Skagafjörðinn og grásleppa dregin. Helstu viðmælendur Fjólu eru mæðginin Brynja og Guðmundur og voru samtölin bæði skemmtileg og fróðleg. Eftir að hafa hlýtt á þættina fannst blaðamanni ekki annað hægt en að spyrja Fjólu aðeins út í þáttagerðina og hvernig það var að starfa einn dag sem grásleppukarl.Meira -
Sniglarækt möguleg hliðarbúgrein bænda?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.07.2025 kl. 10.00Fyrir nokkru var Sigurður Líndal forstöðumaður Eims í viðtali á RÚV vegna frétta af því að Eimur hefði fengið styrk úr Lóu nýsköpunarsjóði sem er opinber sjóður til að styrkja nýsköpun á landsbyggðinni. Styrkinn fékk Eimur til að undirbúa kynningar á sniglarækt sem hliðarbúgrein en við hana mætti nýta umframorku og affall af hitaveitu. Einhvers misskilnings hefur gætt um að húnveskir bændur séu komnir á fullt í sniglarrækt. Hið rétta er að verkefnið er á frumstigi.Meira
