Haustdagur ferðaþjónustunnar á Laugarbakka
Haustdagur ferðaþjónustunnar á Norðurlandi vestra verður haldinn á Hótel Laugarbakka þriðjudaginn 12. nóvember næstkomandi. Þetta er í fjórða sinn sem ferðamálafélögin á Norðurlandi vestra efna til sameiginlegs fundar. Dagskráin að þessu sinni hefur yfirskriftina „óráðstefna“ en það ku vera þýðing á engilsaxneska hugtakinu „unconference“ eða „Barcamp“ eins og það er kallað á meginlandinu að því er segir á vef SSNV.
Í hugtakinu felst að fundarefnið er í höndum þátttakenda á ráðstefnunni en, eins og segir á vef SSNV, verða allir með réttu ráði, því útkoman skiptir okkur jú öll máli.“
Dagskrá óráðstefnunnar er á þessa leið:
- Skyndikynningar - (hver þátttakandi kynnir sig: Nafn, fyrirtæki (gjarna með eins og þremur „hashtöggum“ (eitt fyrir sig, eitt fyrir fyirtækið og eitt fyrir Norðurland vestra)
og
Inngangur - (fyrirkomulag útskýrt og óráðsíumálefni borin upp til atkvæða og síuð út..) - Óráðssía nr.1
- Óráðssía nr. 2
- Kaffipása
- Óráðssía nr. 3
- Pepp fyrir heimferð frá einum ráðagóðum að sunnan
Í hverri óráðssíu verður krufinn málaflokkur sem þátttakendur telja að skipti máli fyrir ferðaþjónustuna á Norðurlandi vestra en fjöldi málefna/hópa og fjöldi í hóp ráðast af þátttakendafjölda. Hægt er að stinga upp á málefni við skráningu eða á staðnum verða efnin svo borin upp til atkvæða.
Skráning er hér til mánudagsins 11.11. 2019
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.