Heilsudagar á Blönduósi hefjast í dag
Heilsudagar á Blönduósi hefjast í dag og standa til laugardags með fjölbreyttri heilsusamlegri dagskrá fyrir unga sem aldna. Markmið daganna er að hvetja íbúa til hreyfingar og að huga vel að heilsu sinni. Þessa daga verður frítt í alla tíma á vegum Íþróttamiðstöðvarinnar á Blönduósi en einnig verður boðið upp á skipulagða gönguferð, hjólaferð og sundlaugarpartý. Dagarnir eru haldnir í samstarfi við íþróttafélögin sem hvetja nýja iðkendur til að koma og prófa hinar ýmsu íþróttir gjaldfrjálst í vikunni.
Tveir fyrirlestrar verða í boði. Í kvöld kl. 19:30 verður Janus Guðlaugsson, íþrótta- og heilsufræðingur, með fyrirlestur í norðursal Íþróttamiðstöðvarinnar. Janus rekur fyrirtæki sem vinnur að bættri heilsu og betri lífsgæðum eldri borgara og var hann í sumar sæmdur heiðursmerki hinnar íslensku fálkaorðu fyrir framlag til eflingar heilbrigðs og íþrótta eldri borgara. Fyrirlestur Janusar nefnist Fjölþætt heilsuefling – Leið að farsælum efri árum.
Seinni fyrirlesturinn heldur Vilborg Gissurardóttir sem er landsmönnum vel kunn fyrir afrek hennar á sviði útivistar, m.a. fyrir að hafa gengið á suðurpólinn og á topp Everest. Fyrirlestur hennar fjallar um grunnatriði í göngu og útivist. Hann verður haldinn nk. föstudag kl. 20:30 í Norðursalnum í Íþróttamiðstöðinni. Á laugardagsmorgun kl. 10:00 verður Vilborg svo með létta gönguferð með tækniæfingum í nágrenni við Blönduós.
Á miðvikudag milli kl. 11 og 14 býður Hjartavernd upp á fría heilsufarsmælingu á HSN á Blönduósi þar sem mældur er blóðþrýstingur, blóðsykur, blóðfita, súrefnismettun og fleira. Þá verður Kjörbúðin með sérstaka heilsuviku sem stendur frá miðvikudeginum 25. september til miðvikudags 2. október. Þessa daga verða heilsutengdar vörur boðnar á góðum afslætti en einnig mun Kjörbúðin gefa ávexti sem boðið verður upp á í Íþróttamiðstöðinni á völdum tímum.
Dagskrá heilsudaga má nálgast á slóðinni http://imb.is/wp-content/uploads/2015/01/Heilsudagar2019.pdf
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.