Metnaðarfull sumarsýning hjá Heimilisiðnaðarsafninu
Sumarsýning Heimilisiðnaðarsafnsins Halla, Hún er ég – Prjónatilveran var opnuð laugardaginn 7. júní að viðstöddum fjölda gesta. Að þessu sinni er það Halla Lilja Ármannsdóttir sem er með fjölbreytta prjónasýningu. Um er að ræða prjónaðar flíkur og margs konar nytjahluti og skúlptúra.
Við opnunina söng Steinunn Kristín Valtýsdóttir (Dídí) tvö lög án undirleiks við mjög góðar undirtektir gesta.
Elín S. Sigurðardóttir, forstöðumaður safnsins, flutti ávarp og rifjaði upp hve tilkoma nýja hluta safnhússins sem tekinn var í notkun fyrir 22 árum, hefði opnað nýjar víddir og bætt aðgengi gesta að öllu safninu og munum þess. Safnið starfar í samræmi við safnalög og er viðurkennt af Safnaráði. Nefndi hún einnig að fyrir utan hefðbundið safnastarf færu fram ýmsir menningar-viðburðir á safninu s.s. stofutónleikar, fyrirlestrar, námskeið og upplestur á aðventu fyrir utan sérstakar nemendaheimsóknir. Þá væri tekið á móti fjölmörgum hópum, innlendum sem erlendum, utan hefðbundins opnunartíma, sérstaklega á vor- og haustmánuðum. Margar bækur hafa verið ritaðar á ýmsum tungumálum sem byggja á munum safnsins.
Aukinn fjölbreytileiki í sýningarflórunni
Elín sagði að markmið árlegra Sumar/sérsýninga safnsins væri að auka fjölbreytileika í sýningarflóru þess og auðga menningarlíf héraðsins en ekki síst að veita safngestum sýn á margs konar handiðn á Íslandi sem og að vekja athygli á viðkomandi listamanni og verkum hans.
Halla Lilja er prjónahönnuður og textíllistakona. Hún útskrifaðist með láði frá London Collage of Fashion 2021. Frá síðastliðnu hausti hefur hún stund-að meistaranám í textílhönnun við Swedish School of Textiles og mun útskrifast á næsta vori. Halla hefur sett sér háleit markmið og nú þegar vakið verðskuldaða athygli bæði innanlands og utan.
Hér gefur að líta mjög metnaðarfulla sýningu og er um að ræða skemmtilega tengingu við menningararfinn.
- - - -
Fleiri fréttir
-
Vilja auka lífsgæði 50+ í Vestur-Hún
feykir.is Vestur-Húnavatnssýsla, Lokað efni 02.07.2025 kl. 15.40Á heimasíðu Húnaþings vestra: hunathing.is kemur fram að vinna við deiliskipulag svokallaðs lífsgæðakjarna fyrir íbúa sveitarfélagsins, 50 ára og eldri.Meira -
Eins og að horfa á hross keppa í feti í fimm korter
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 02.07.2025 kl. 13.35„Veðrið er betra en á Króknum. Líklega um 30 stig, glampandi sól og logn. Þetta er í lagi í smá tíma en svo saknar maður Skarðagolunnar,“ segir Palli Friðriks, fyrrum ritstjóri Feykis, sem nú er staddur í Sviss þar sem hann og fjölskyldan hyggjast styðja dyggilega við bakið á íslenska kvennalandsliðinu í knattspyrnu sem hefur leik á EM klukkan fjögur í dag.Meira -
Dívur á Króknum í júlí
feykir.is Skagafjörður, Listir og menning, Lokað efni 02.07.2025 kl. 13.35Þrjár af þekktustu tónlistarkonum landsins munu halda tónleika á Sauðárkróki í júlí. Þetta eru þær: GDRN, Una Torfa og Bríet. Þessar ágætu konur þarf ekki mikið að kynna svo áberandi hafa þær verið í íslensku tónlistarlífi síðustu ár.Meira -
Vatnaveröld smábátasafn
feykir.is Skagafjörður, Mannlíf, Lokað efni 02.07.2025 kl. 11.20Laugardaginn 21. júní opnaði formlega smábátasafnið á Ytri-Húsabakka í Skagafirði. Þar býr safnstjórinn Ómar Unason ásamt konu sinni Dóru Ingibjörgu. Snemma byrjaði söfnunarárátta Ómars en elsta hlutinn á safninu eignaðist hann þegar hann var 10 ára.Meira -
Jóna Halldóra varð Landsmótsmeistari í pönnukökubakstri
feykir.is Íþróttir, Vestur-Húnavatnssýsla, Mannlíf, Lokað efni 02.07.2025 kl. 10.59Landsmót UMFÍ 50+ fór fram á Siglufirði og Ólafsfirði dagana 27.-29. júní. Vestur-Húnvetningar gerðu gott mót og til að mynda sigraði Jóna Halldóra Tryggvadóttir í pönnukökubakstri. Annar Vestur-Húnvetningur, Jónína Sigurðardóttir, hreppti þriðja sætið í sömu keppni.Meira
