Prjónagleði í fjórða sinn - Fjölbreytt dagskrá með fróðleik og skemmtun
Hin árlega prjónahátíð, Prjónagleðin, verður haldin á Blönduósi um hvítasunnuhelgina eða dagana 7.-10. júní. Þetta er í fjórða skipti sem hátíðin er haldin en það er Textilmiðstöð Íslands sem að henni stendur. Á Prjónagleði kemur saman fólk sem hefur áhuga á prjónaskap og skiptir þá engu máli hvað mikil innistæða er í reynslubankanum. Þema hátíðarinnar að þessu sinni er „hafið“ en dagur hafsins er haldinn hátíðlegur þann 8. júní ár hvert.
Dagskráin er fjölbreytt. Setning Prjónagleðinnar verður á föstudegi og eru allir hjartanlega velkomnir.
Hægt er að velja úr fjölda námskeiða hjá íslenskum sem erlendum kennurum og kennir þar margra grasa, s.s. námskeið í að prjóna tvo sokka samtímis og byrja á tánni, kennt að spinna á halasnældu, sundprjón, byrjendanámskeið í prjóni, prjónatrix og fínerí fyrir prjónanörda og sólarlitun með plöntum úr næsta nágrenni, svo eitthvað sé nefnt. Nokkrir fyrirlestrar eru í boði um forvitnileg efni sem tengjast prjónaskap og prjónatengdur ratleikur mun standa yfir alla helgina. Einnig má nefna að farið verður í heimsókn í Ullarþvottastöð Ístex á Blönduósi á föstudag en opið verður þar á milli 12 og 18 og allir velkomnir. Þar má fræðast um það ferli sem á sér stað áður en hægt er að spinna ullina.
Í tilefni af Prjónagleðinni verður opið sölutorg í Félagsheimilinu á Blönduósi. Þar verður lögð áhersla á að kynna fjölbreytta prjónavöru og þjónustu sem í boði er, jafnt fyrir áhugasama prjónara og aðra þá sem hafa gaman af að skoða eitthvað fallegt. Sölutorgið verður opið klukkan 10-18 á laugardag og sunnudag og klukkan 10-16 á mánudag.
Götugrill verður undir tónum flamingógítaristans Reynis Haukssonar á laugardagskvöldið og afhending verðlauna vegna samkeppninnar um hið eina sanna „Sjávarsjal“.
Á mánudag og þriðjudag, 10. og 11. júní, mun listafólk og ýmsir söluaðilar á Norðurlandi vestra hafa opið hús í tilefni Prjónagleðinnar. Eftirtaldir aðilar hafa skráð sig til leiks: Rúnalist á Stórhóli í Skagafirði, Lýtingsstaðir, Sölvanes í Skagafirði, Hilma – hönnun og handverk á Sauðárkróki, Sveitamarkaður á Hólabaki í Húnavatnshreppi, Listakot Dóru í Vatnsdal, Handverkshúsið Bardúsa á Hvammstanga og Handbendi – Brúðuleikhús á Hvammstanga.
Þá má geta þess að fjölmargir aðilar á Blönduósi og nágrenni bjóða upp á afslátt af vöru og þjónustu gegn framvísun helgar- og dagspassa á Prjónagleði.
Allar nánari upplýsingar um hátíðina er að finna á heimasíðu Textilmiðstöðvar Íslands, www.textilmidstod.is.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.