Úr sveitinni á Skaga til miðbæjar Reykjavíkur :: Áskorandapenninn – Kristmundur Elías Baldvinsson, Tjörn á Skaga
Ég tók undir mig nokkuð stórt stökk þann 16. ágúst síðast liðinn þegar ég fluttist frá Tjörn á Skaga, þar sem ég hafði alist upp og búið allt mitt líf, og flutti suður í miðbæ Reykjavíkur, þar sem ég átti eftir hefja mína framhaldsskólagöngu í Borgarholtsskóla. Það var gríðar mikið menningarsjokk að fara á milli þessa ólíku heima.
Til að byrja með þurfti ég að taka strætó í skólann, sem var nú svo sem ekki allstór breyting fyrir mig sem var vanur að sitja í klukkutíma í skólabíl alla daga síðustu tíu árin. En í strætó er enginn til að vekja mann þegar maður er kominn í skólann, sem var eitt sem ég þurfti að venjast og vera vakandi fyrir, en það var fljótt að komast í vana. Þar sem ég bjó í miðbæ Reykjavíkur var ekki nema tveggja mínútna gönguleið á Hlemm. Þá var töluvert meiri umferð heldur en heima, sem var nú annað sem var mér ókunnugt þar sem maður þekkti ekki nokkurn mann sem maður mætti, annað en á Skagaströnd þar sem allir þekkja alla. Ég þurfti líka að venjast því að búa í blokk sem mér fannst furðulegt að þurfa að gera að vana.
Lífið í þessari umræddu blokk er vel sturlað til að nefna nokkra einstaklinga, eitt stykki klikkuð kattarkona sem kvartar undan öllu sem gengur og gerist í kringum hana og það eitt að gleyma að slökkva ljósin niðri í kjallara er stór alvarlegt lögreglumál í hennar augum svo það hentaði henni líklega bara vel að búa svona stutt frá lögreglustöðinni, því hún gæti bara labbað yfir ef þess væri þörf að hennar mati. Síðan var það önnur fjölskylda sem ég verð að segja að ég hafi fundið til með því þau voru stanslaust að rífast og það heyrðist hátt og skýrt upp og niður alla blokkina. Ég skildi nú ekki orð af því því það var allt á pólsku. Fyrir neðan mig bjó svo óperukennari sem hélt tímana sína í íbúðinni sinni.
Sjálfur er ég nú ekki menntaður í söngkennslu en ég get þó sagt að flestir tímar líktust meira góli heldur en óperu. Síðan var það ég, sveitalubbinn að norðan sem stóð út úr eins og heimskur hrútur í hænsnakofa þarna í miðbænum. Þetta voru aðeins aðal sögupersónurnar og urðu sögurnar sem þessar persónur smíðuðu svo sannarlega sögur til næsta bæjar. Mér líkar þó ágætlega þarna í þessum sirkus sem kallast miðbærinn og ég veit að ég á nú eftir að staldra örlítið lengur við og allavega klára námið sem mér gengur prýðilega í en ég verð alltaf jafn kátur með að komast heim í sveitina þar sem loftið er tærara og mjólkin ekki í pappakössum.
Ég skora á Benedikt Blöndal Lárusson að koma með pistil.
Áður birst í 22. tölublaði Feykis 2019.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.