Vegan núðlusúpa
Umsjónarmaður matarþáttar Feykis leitaði í smiðju Eldhússystra í þessum þætti sem birtist í 6. tbl. ársins 2017.
Matur sem flokkast undir að vera vegan er mjög í tísku um þessar mundir. Reyndar er umsjónarmaður þessa þáttar meira fyrir súrmat en súrkál, ekki síst á þessum árstíma, og hefur ekki ennþá rekist í vegan þorramat. Hins vegar hefur heyrst að smákökur undir vörumerkinu Veganesti séu orðnar ákaflega vinsælar hjá erlendum ferðamönnum, sem misskilja vörumerkið eilítið! Að þessu sinni leitum við enn á ný í smiðju eldhússystranna Rannveigar og Þorbjargar Snorradætra. Gefum þeim orðið:
„Ég elska súpur og ég elska núðlur. Við hjúin erum reglulegir viðskiptavinir hjá Noodle Station og þessi súpa minnir á súpuna þar. Þegar ég datt niðrá þessa súpu varð ég bókstaflega ástfangin af henni. Ég hafði aldrei notað stjörnuanis eða kóríander fræ áður! Þegar ég borða kóríander þá finn ég sápubragð þannig að ég var ekkert súper spennt að setja fræin í súpuna.
Ég er samt vön að fylgja uppskriftum þegar ég er að elda eitthvað í fyrsta skipti og ég sá ekkert eftir því, ekki vottur af sápubragði. Við erum búin að elda hana margoft og hún er alltaf jafn góð. Við eldum alltaf tvöfalda uppskrift.“
Víetnömsk núðlusúpa
fyrir 2
1 stór laukur, tekið utan af honum og helmingaður
5 sm bútur ferskt engifer (flysjað)
1 kanilstöng
1 stjörnu anis
2 heilir negulnaglar
1 tsk kóríander fræ
1 líter grænmetissoð
2 tsk sojasósa
4 gulrætur, flysjaðar og skornar gróft niður
u.þ.b. 250 g hrísgrjónanúðlur
sveppir
muldar salthnetur
sriracha sósa
hakkaður steiktur hvítlaukur
sykur
Aðferð:
Byrjið á því að grilla laukinn og engiferinn, setjið hann á ofnplötu og inní ofn á 200°C og á grillstillingu. Grillið þar til laukurinn og engiferinn er byrjað að brenna aðeins.
Á meðan laukurinn grillast eru kanilstöngin, anisinn, negulnaglarnir og kóríanderfræin sett í pottinn sem súpan verður gerð í og kryddið þurrsteikt á miðlungs hita þar til þau fara að ilma. Passið að hræra til að kryddið brenni ekki við. Þegar kryddið er byrjað að ilma er soðið, sojasósan, gulrótarbitarnir, laukurinn og engiferinn sett í pottinn með kryddinu.
Náið upp suðu og látið malla í 30 mínútur. Á meðan súpan mallar þá eru núðlurnar eldaðar. Setjið nógu mikið af vatni í pott svo það hylji núðlurnar vel rúmlega þegar þær fara út í og náið upp suðu. Slökkvið undir pottinum og setjið núðlurnar út í. Bíðið þar til núðlurnar eru næstum tilbúnar. Þetta tekur 5-7 mínútur og gott er að smakka núðlurnar reglulega. Þær ættu að vera eins og aldente pasta.
Þegar núðlurnar eru tilbúnar eru þær skolaðar með köldu vatni til að þær verði ekki að steypuklessu.
Þegar súpan er tilbúin er hún sigtuð og soðið sett í pottinn aftur. Gulrótar bitarnir eru tíndir úr því sem var sigtað frá og settir í súpuna. Ef nota á sveppi eru þeir skornir niður og settir út í súpuna núna. Leyfið súpunni að sjóða til að sveppirnir eldist aðeins.
Deilið núðlunum á milli tveggja skála og ausið súpu yfir.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.