Að rækta garðinn sinn - Áskorendapenninn Þyrey Hlífarsdóttir
Þegar ég fékk áskorun frá samstarfskonu minni og vinkonu Sigrúnu Ben, fór ég að velta því fyrir mér hvað það er sem skiptir mig mestu máli. Þá komu fjölskylda og vinir fyrst upp í hugann. Fyrir mér er ómetanlegt að eiga í góðum samskiptum við fjölskylduna mína og vini og vita að ég get leitað til þeirra með hvað sem er, hvenær sem er.
Lífið er alls konar og á það stundum til að skella full harkalega á okkur þegar við eigum síst von á því. Á slíkum stundum er gott að eiga fólkið sitt að og sækja sér styrk og hlýju til þeirra sem maður treystir og líður vel í kringum. Ég er svo lánsöm að eiga í mínum „garði“ fjölbreytta flóru af fjölskyldu og vinum sem ég get leitað til við hvaða tilefni sem er, já og líka algerlega af tilefnislausu. Á móti reyni ég að gera mitt besta til að vera til staðar fyrir fólkið mitt þegar á þarf að halda eða þegar einhver fær góða hugmynd um að gera eitthvað sniðugt og skemmtilegt.
Góð fjölskyldu- og vinasamskipti eru ekki sjálfgefin og eins og með allt sem á að dafna vel þarf að huga að, leggja rækt við og sinna því af alúð til að styrkja og rækta traustið og vináttuna. Njótum þess að elska og að vera elskuð og nýtum allar stundir sem við getum til að vera með þeim sem okkur þykir vænt um og líður vel með.
Í nútíma samfélagi með öllum þeim hraða og lífsgæðakapphlaupi sem því fylgir finnst mér þessi mikilvægi þáttur stundum gleymast eða vera ýtt til hliðar. Oft gefum við okkur ekki tíma til að kíkja í kaffi, heimsækja ættingja og vini, fara í saumaklúbb, fara út að leika með börnunum okkar eða í göngutúr með makanum, við bara megum ekki vera að því vegna þess að það er svo mikið að gera. En þarf þetta endilega að vera svona og hvað er það eiginlega sem við erum svona upptekin við?
Fyrir mér eru góð fjölskyldu- og vináttutengsl lífsgæði sem ég get ekki hugsað mér að vera án, en ég veit líka að til þess að ég geti átt þessi góðu fjölskyldu- og vináttutengsl þarf ég að leggja mitt af mörkum við að rækta sambandið við fólkið mitt og hugsa vel um „garðinn“ minn. Ég hef því tekið meðvitaða ákvörðun um að sinna þessum þætti betur en ég hef gert undanfarið og hætta að ýta því til hliðar sem skiptir mig mestu máli. Svo verið þið viðbúin það er aldrei að vita nema ég kíki í kaffi fyrirvaralaust einn daginn.
Ég skora á frænku mína Bríeti Guðmundsdóttur til að taka við pennanum og vera svo viðbúin því að ég birtist í kaffi til hennar fljótlega.
Góðar stundir.
Áður birst í 43. tbl. Feykis 2018
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.