Áfram Bjarni Jónsson!
Kæru Skagfirðingar ! Við eigum ötulan baráttumann. Ég hef kynnst vel störfum Bjarna Jónssonar í sveitarstjórn Skagafjarðar. Bjarni er einstaklega ósérhlífinn og kappsamur með mikla yfirsýn í sveitarstjórnarmálum. Sérstaklega hefur okkur hér Austan vatna þótt gott að eiga hann að.
Á framboðsfundinum hér á Hofsósi á miðvikudagskvöldið kom það svo skýrt fram hver hefur verið okkar besti talsmaður í sveitarstjórn undanfarin ár og hverjum við getum best treyst áfram.
Mér hefur fundist gott að heyra rödd Bjarna hvort sem er hér heima eða í fjölmiðlum þar sem hann talar af þekkingu og festu fyrir hagsmunum okkar Skagfirðinga og landsbyggðarinnar allrar. Ekki veit ég hvar Heilbrigðisstofnunin okkar væri ef einarðar baráttu Bjarna hefði ekki notið við. Sem formaður skólanefndar FNV hefur hefur hann ásamt stjórnendum skólans átt sinn þátt í að styrkja skólann í sessi og varða leiðina inn í framtíðina með þróun nýrra námsleiða.Þannig hefur það verið í fleiri málum.
Bjarni hefur staðið fremstur í flokki til varnar Heilbrigðisstofnuninni og á stóran þátt í að hún hefur ekki orðið fyrir enn meiri niðurskurði. Hann stóð í að stöðva áform fyrrverandi ríkisstjórna um að leggja Heilbrigðisstofnunina niður sem sjálfstæða stofnun og flytja til Akureyrar.
Bjarni gaf hvergi eftir sama hver ráðherrann var. Hugmyndinni var ýtt út af borðinu.
Nú hefur aftur verið boðað af núverandi ríkisstjórn að leggja eigi stofnunina niður. Við þurfum að geta treyst því að þeir sem sitja fyrir okkur í sveitarstjórn bogni ekki fyrir slíkum hótunum eða drjúpi höfði fyrir samflokksmönnum sínum sem fyrir því standa.
Tilkynningin um sumarlokun Endurhæfingarsundlaugarinnar var okkur alvarleg áminning. Gott er að vita af Bjarna á vaktinni þar.
Bjarni hefur auk þess að vera forseti sveitarstjórnar Skagafjarðar verið formaður landshlutasamtakana á Norðurlandi vestra, SSNV þar sem hann hefur notið víðtæks trausts í störfum sínum fyrir svæðið. Hann hefur verið þar einn ötulasti talsmaður og baráttumaður fyrir hagsmunum Skagfirðinga sem og fyrir landshlutann í heild undanfarin ár.
Skagfirðingar! Við þurfum traust fólk til forystu. Tryggjum Bjarna Jónssyni góða kosningu á laugardaginn. Merkjum X við V. xV
Einar Þorvaldsson
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.