Beggja vegna
Ég vil byrja á því að þakka henni Lillu minni fyrir að skora á mig þótt það sé nú ekki auðvelt að feta í hennar fótspor. Eftir að hafa velt fyrir mér hvað ég hefði mögulega að segja benti systir mín mér á að ég gæti skrifað um Drangey en sú perla (eyjan og systirin) er mér mjög kær. Þar að auki finnst mér áhugavert að skoða hvernig mannskepnan tekst á við breytingar og hvernig við lögum okkur að nýjum aðstæðum.
Árið 1982 flutti ég á Krókinn. Það var kúvending í lífi tíu ára stelpu en mikil tilhlökkun að búa svo nálægt ömmu og afa. Þegar dvölin var orðin lengri en venjuleg heimsókn á Krókinn fór ég að sakna allra og alls og fann Sauðárkróki allt til foráttu. Ég var vön söltu sundlaugarvatni og fékk ítrekað í nefið í þessari hræðilegu sundlaug og veggirnir í kirkjunni voru eitthvað svo ræfilslegir. Til að toppa þetta var hvorki hægt að æfa fimleika né handbolta á Króknum. Ég tilkynnti að um leið og ég yrði sjálfráða myndi ég flytja aftur til Vestmannaeyja.
Fljótlega var ég þó búin að skjóta rótum og gat ekki gert upp á milli Tindastóls og Heimakletts (eða Tindastóls og ÍBV). Mér þykir vænt um sundlaugina og fæ ekki lengur í nefið. Mér líður alltaf vel í Sauðárkrókskirkju og finnst hún undurfögur og veggir hennar fullboðlegir. Þar að auki fór líf mitt skyndilega að snúast um fótbolta.
Ég fæddist og varði frumbernsku minni á eyju og það er kannski ástæða þess að Drangey er það sem stendur upp úr þegar ég hugsa norður. Það er fátt fallegra en sólarlag í Skagafirði og eyjan hefur eitthvert magnað aðdráttarafl og það er eins og það stafi frá henni kraftur. Stundum förum við fjölskyldan lengri leiðina norður bara til að geta séð fjörðinn fegursta birtast fyrir framan okkur.
En aftur að breytingum. Árið 2002 keyptum við hjónin Skefilsstaði á Skaga og þá blasti við mér allt önnur Drangey. Lengi fannst mér þetta hálf aumt útsýni frá því sem ég vandist frá Króknum en í dag get ég setið tímunum saman og teygað kraftinn úr eynni frá þessu nýja sjónarhorni sem mér þykir nú alls ekki síðra en hitt.
Breytingar hafa orðið nokkuð tíðar í mínu lífi eins og gengur og gerist og ég þurft að venjast nýju hlutskipti, stöðum og venjum. Það sem ég hef lært er að stundum þarf að sjá hlutina frá nýju sjónarhorni til að læra að meta fegurðina í lífinu og njóta þess sem býðst hverju sinni. Og þótt ég telji mér vera nokkuð sjálfrátt er ég líklega ekki enn orðin sjálfráða.
Anna Pála Gísladóttir
Ég ætla að skora á mágkonu mína Kolbrúnu Dögg Sigurðardóttur að taka við pennanum.
Pistillinn birtist í 27. tölublaði Feykis 2021
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.