Ein með öllu – nú eða einn... | Leiðari 20. tölublaðs Feykis
Það er ekkert víst að allir séu sammála en flestir taka sennilega undir að Guðni Jóhannesson forseti hefur verið forseti fólksins. Vingjarnlegur, grínaktugur og sanngjarn, hreinn og beinn, staðið við bakið á landsmönnum í blíðu og stríðu og virtist nær alltaf til í spjall. Já og eldklár.
Sumir biðu kannski eftir meiri tilþrifum, að forsetinn berði í borðið og segði: Hingað og ekki lengra! En það voru kannski ekki mörg mál af þeim toga sem bar upp á tímabili Guðna á valdastóli. Tíma sem kannski endurspeglast af MeToo-byltingu, náttúruhamförum hér heima fyrir, ófriði í Úkraínu og Palestínu og heimsfaraldri. Ekki á það bætandi að rugga bátum í stormi. Guðni var duglegur að sækja körfuboltaleiki en færði liði Tindastóls ekki mikla gæfu með sínum heimsóknum. Mikið var þó gaman að fá hann heim í Síkið.
Elíza, eiginkona forsetans, var líka skemmtilega áberandi í málum sem skiptu máli. Með eigin skoðanir og bein í nefinu.
Undirritaður naut ekki þess heiðurs að fá að taka í hönd forsetans á meðan á valdatíð hans stóð en forsetafrúin kastaði kveðju á okkur feðga á Orkustöðinni á Hvammstanga þar sem við sátum og biðum eftir samlokum af grillinu. Elíza var þá að vísitera Húnaþing vestra í félagi við Gunna okkar Rögg, nýkomin af Byggðasafni Húnvetninga og Strandamanna.
Guðni forseti er búinn að heilsa ófáum Íslendingum síðustu átta árin. Sem fyrr segir þá á hann eftir að heilsa mér en ég hefði mögulega getað gert eitthvað í málunum í fyrrasumar. Við feðgar höfðum þá farið smá lúbbing, einn rúnt vestur yfir Þverárfjallið og síðan Vatnsskarðið yfir í Skagafjörð. Ákváðum að stoppa í Olís Varmahlíð og þar var Guðni, á leiðinni heim af Fiskidegi á Dalvík, en í þörfinni fyrir eina með öllu. Maður truflar auðvitað ekki fólk í miðjum pylsukaupum þannig að tækifærið fór forgörðum.
Á leiðinni heim á Krók rifjaði sá eldri upp að hann hefði verið starfsmaður á plani í Varmahlíð [ekki hans orð] þegar Sveinn Björnsson, fyrsti forseti Íslands, kom þar við og naut veitinga á hótelinu. Sjötíu árum fyrr eða þar um bil. Það er alltaf gott tilefni til að stoppa í Varmahlíð.
Nú á laugardaginn verður kosinn nýr forseti Íslands. Það eru tólf í framboði, býsna ólíkt fólk, en í raun hefur kosningabaráttan verið áhugaverðari en maður hefði fyrirfram ætlað. Nú er bara að gera upp hug sinn og setja exið við góða manneskju sem við getum treyst til góðra verka fyrir land og þjóð. Eina með öllu ... nú eða einn með öllu.
Óli Arnar Brynjarsson
ritstjóri
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.