Húnabyggð til hagvaxtar - Uppbygging ferðaþjónustu | Freyja Dís Jóhannsdóttir skrifar
Tækifæri Húnabyggðar til frekari uppbyggingar ferðaþjónustu eru mikil en til að grípa þau í auknum mæli þarf aðgerðir. Í Húnabyggð hefur margt gott verið gert þegar kemur að ferðaþjónustu, má þar nefna Heimilisiðnaðarsafnið, uppbyggingu gamla bæjarins á Blönduósi og áfangastaða á borð við Kálfshamarsvík, Þrístapa og himnastigann upp á Skúlahól í Vatnsdal.
Ljóst er að það er hvorki skortur á náttúruperlum né sögum til frásagna í Húnabyggð. Hér eru starfandi öflug ferðaþjónustufyrirtæki og margir bændur sveitarfélagsins bjóða sömuleiðis upp á framúrskarandi þjónustu til ferðamanna með einum eða öðrum hætti.
Aftur á móti er staðan sú að Húnabyggð er enn með kaldari svæðum landsins, þegar horft er til hvert ferðamenn eru að ferðast hér innanlands, þrátt fyrir uppbyggingu undanfarin ár.
Því þarf að breyta.
Það væri til dæmis hægt með markvissri markaðssetningu á áfangastöðum sveitarfélagsins og auknu samstarfi við Markaðsstofu Norðurlands en slík aðgerð myndi styðja við veitingastaði í Húnabyggð, gistiþjónustu og alla þá sem starfa í ferðaþjónustu í sveitarfélaginu ásamt því að styðja við aukna uppbyggingu.
Nýta þarf líka betur það sem við höfum, má þar nefna Laxárdalinn og Skrapatungurétt, að fara í stóðrétt og stóðréttarsmölun er gríðarlega vinsælt og til þess höfum við allt, það þarf bara að virkja aðila og skapa umgjörð sem styður við menningarviðburðinn.
Leggja þarf áherslu á að byggja áfram upp helstu áfangastaði sveitarfélagsins og styðja vel við menningarviðburði bæði fyrir okkur sjálf og okkar gesti.
Árið 2025 störfuðu um 44 einstaklingar búsettir í Húnabyggð í ferðaþjónustu eða um 7% af heildarfjölda starfandi í sveitarfélaginu. Á sama tíma störfuðu um 31 þúsund einstaklingar í ferðaþjónustu á landinu öllu eða um 14% af heildarfjölda starfandi.
Það liggur því í augum uppi að Húnabyggð á mikið inni.
Reynslan sýnir að í ýmsum sveitarfélögum hringinn í kringum landið hefur tekist að stuðla að aukinni byggðafestu og fjölgun starfa með uppbyggingu ferðaþjónustu enda aukast lífsgæði og það verður einfaldlega skemmtilegra að búa þar sem aukin þjónusta, veitingastaðir, afþreying og aðrir möguleikar eru í boði.
Húnabyggð á bjarta framtíð - styðjum við það sem vel er gert og förum lengra!
Freyja Dís Jóhannsdóttir
Frambjóðandi í 11. sæti á lista Sjálfstæðismanna og óháðra í Húnabyggð
Fleiri fréttir
-
Nína Ýr ráðin skólastjóri og Guðrún Helga deildarstjóri í Varmahlíðarskóla
feykir.is Skagafjörður, Mannlíf 12.05.2026 kl. 15.42Það varð ljóst síðla veturs að breytingar yrðu í Varmahlíðarskóla að loknu skólaári þar sem bæði Trostan Agnarsson skólastjóri og Kristvina Gísladóttir aðstoðarskólastjóri ákváðu bæði að láta af störfum. Voru stöðurnar því auglýstar, þ.a. staða skólastjóra og deildarstjóra. Nú hefur verið ráðið í stöðurnar og er Nína Ýr Nielsen nýr skólastjóri en Guðrún Helga Jónsdóttir tekur við starfi deildarstjóra. Frá þessu er greint á vef Skagafjarðar.Meira -
Framboðsfundur í Húnaveri
feykir.is Austur-Húnavatnssýsla, Mannlíf 12.05.2026 kl. 15.06Sameiginlegur fundur framboðanna þriggja sem bjóða fram í sveitarstjórnarkosningunum í Húnabyggð verður haldinn í Húnaveri miðvikudagskvöldið 13. maí klukkan 20 en húsið opnar klukkustund fyrr. Á fundinum munu framboðin kynna stefnumál sín og boðið verður upp á umræður og spurningar.Meira -
Fyrir Skagaströnd | Daniela Esmeralda Ortega skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 12.05.2026 kl. 15.00Þegar ég og maðurinn minn Gunnar fórum að byggja upp og reka ferðaþjónustuna okkar á Skagaströnd undir nafninu Ocean Cape Cabins vissum við ekki alveg við hverju við ættum að búast. Eitt af því sem hefur komið okkur mest á óvart er hversu margir falla algjörlega fyrir bænum okkar.Meira -
Að byrja á réttum enda? | Jenný Lind Gunnarsdóttir skrifar
feykir.is Austur-Húnavatnssýsla, Aðsendar greinar 12.05.2026 kl. 14.51Skapandi lausnir í húsnæðismálum eru ekki lúxus – þær eru nauðsyn. Fjárfestum í plássi fyrir börnin og vinnuaðstöðu fyrir fólkið okkar.Meira -
Allir klárir í bátana fyrir kvöldið
feykir.is Skagafjörður, Íþróttir 12.05.2026 kl. 11.25Úrslitaeinvígi Grindavíkur og Tindastóls heldur áfram í kvöld en annar leikur liðanna fer fram í Síkinu á Sauðárkróki. Partýtjaldið verður opnað kl. 17:00, hleypt verður inn í Síkið kl. 18:15 en leikurinn hefst kl. 19:15. Samkvæmt upplýsingum Feykis er uppselt á leikinn og Arnar þjálfari segir alla leikmenn klára í bátana fyrir kvöldið.Meira
