Hvar á ég að búa? - Áskorandinn Vera Ósk Valgarðsdóttir Skagaströnd
Enginn veit sína ævina fyrr en öll er. Aldrei hefði mig órað fyrir því fyrir nokkrum árum síðan að ég ætti eftir að búa á Skagaströnd í heil fimm ár. Komandi frá einum af fáum stöðum á Íslandi sem ekki liggja að sjó, þá hafa þessi ár vissulega kennt mér margt er varðar lífið í litlu sjávarplássi úti á landi.
Í þessu samhengi er áhugavert að velta fyrir sér hvað gerir stað eftirsóknarverðan til búsetu. Hvernig fáum við unga fólkið til að íhuga þann möguleika að setjast að á litlum stað eins og Skagaströnd sem hefur allt til alls, fallega náttúru og fengsæl fiskimið?
Nýlega heyrði ég talað um svokallað Cittaslow sem er hreyfing er leggur áherslu á manneskjuleg gildi og staðbundna menningu og vitund fyrir umhverfinu. Sveitarfélög sem aðhyllast Cittaslow hefja náttúru og menningu staðar síns til vegs og virðingar. Áhersla er lögð á að skapa möguleika til að dvelja í hreinu, öruggu og ekki síst uppbyggilegu umhverfi með samkennd, samvinnu og sanngirni í forgrunni. Sérstaða náttúrunnar, flokkun og endurvinnsla sorps og fegrun umhverfis eru allt þættir sem taldir eru mikilvægir í Cittaslow ásamt því að tryggja fjölbreytni í atvinnumálum, einkum vistvænum. Það er t.d. reynt eftir megni að nýta gamlar byggingar og finna þeim nýtt hlutverk. Nýta það sem fyrir er. Í Cittaslow sveitarfélögum fara skólar ekki varhluta af þessari hreyfingu. Þar er lögð áhersla á flokkun og endurnýtingu, umhverfisvernd, grenndarnám og markvisst unnið með menningu staðarins, örnefni, atvinnu og sögu.
Það er gaman að velta þessu fyrir sér og máta þessa stefnu eða hreyfingu við Skagaströnd. Það telst gjarnan kostur að búa við hringveginn en það er einnig kostur að búa EKKI við hringveginn. Það er einmitt í anda Cittaslow að byggja svæðið þannig upp að fólk taki á sig krók til að koma og njóta umhverfis og menningar staðarins en ekki bara til að taka bensín og fara í verslun.
Á Skagaströnd er mjög gott að búa en þar þarf, eins og alls staðar, að vera á tánum með að gera góðan stað betri. Hlutirnir gerast ekki af sjálfu sér. Það er auðvelt að stinga hausnum í sandinn og hugsa með sér að þetta reddist allt saman. Í þeim ys og þys sem einkennir þéttbýlissvæðin væri það góður kostur að setjast að á Skagaströnd þar sem náttúran skartar ætíð sínu fegursta.
Vera Ósk skorar á Söru Diljá Hjálmarsdóttur, kennara við Höfðaskóla, að skrifa pistil.
Áður birst í 13. tbl. Feykis 2019.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.