Um velferðarmál og sveitarstjórnarkosningar í Skagafirði | Lilja Margrét Óskarsdóttir skrifar
Mig langar að koma á framfæri nokkrum hugleiðingum varðandi velferðarmál í Skagafirði í aðdraganda sveitarstjórnarkosninga. Ég mætti á opinn fund á Hofsósi þar sem öll framboð sátu í pallborði. Þar var meðal annars spurt um þjónustu við eldri borgara og hvað mætti gera betur til að tryggja reglulega og nægilega vel mannaða þjónustu. Svör allra framboðanna voru á sömu leið: að gera þyrfti störfin „meira spennandi“ til að laða að starfsfólk.
Ég er ósammála þeirri nálgun.
Raunin er sú að margir hafa bæði áhuga og metnað til að starfa innan velferðarþjónustunnar, en fá ekki tækifæri til þess. Ég þekki til nokkurra ungra Skagfirðinga með menntun og reynslu til starfa með eldri borgurum, fötluðum, börnum og öðrum hópum, sem hafa ekki fengið störf við hæfi í heimabyggð. Þetta er fólk með fjölbreytta fagþekkingu, til dæmis tómstunda og félagsmálafræðingar, þroskaþjálfar, iðjuþjálfar og aðrar stéttir.
Það sem gerir stöðuna enn sérkennilegri er að margt af þessu unga fólki hefur áður starfað hjá sveitarfélaginu í ófagmenntuðum störfum, til dæmis í afleysingum eða hlutastörfum innan velferðarþjónustunnar. Þegar það snýr síðan aftur með menntun og aukna hæfni, fær það ekki störf við hæfi. Í staðinn fær það slík störf í öðrum sveitarfélögum þar sem menntun þeirra og reynsla er metin að verðleikum.
Það vekur því furðu að þegar gagnrýnt er að þjónustan sé undirmönnuð, sé lausnin sögð felast í því að gera störfin meira spennandi. Vandinn virðist frekar sá að störfin eru ekki auglýst eða að ekki er ráðist í að nýta þá fagþekkingu sem þegar er til staðar.
Velferðarþjónusta byggir á fagmennsku. Hún krefst þess að menntaðir og hæfir einstaklingar sinni henni. Hér er um að ræða grundvallarspurningu um verðmætamat – hvernig við metum fagþekkingu og mikilvægi starfa í velferðarkerfinu – en ekki síður virðingu fyrir þeim sem þurfa á þjónustunni að halda, þar á meðal eldri borgurum sem öll framboð segjast vilja gera hátt undir höfði.
Til að efla velferðarkerfi Skagafjarðar þarf að skapa fjölbreytt sérfræðistörf ólíkra fagstétta og tryggja að þau séu sýnileg og aðgengileg. Með því væri jafnframt hægt að laða ungt fólk aftur heim í fjörðinn og styrkja samfélagið í heild.
Lilja Margrét Óskarsdóttir
Fleiri fréttir
-
Nína Ýr ráðin skólastjóri og Guðrún Helga deildarstjóri í Varmahlíðarskóla
feykir.is Skagafjörður, Mannlíf 12.05.2026 kl. 15.42Það varð ljóst síðla veturs að breytingar yrðu í Varmahlíðarskóla að loknu skólaári þar sem bæði Trostan Agnarsson skólastjóri og Kristvina Gísladóttir aðstoðarskólastjóri ákváðu bæði að láta af störfum. Voru stöðurnar því auglýstar, þ.a. staða skólastjóra og deildarstjóra. Nú hefur verið ráðið í stöðurnar og er Nína Ýr Nielsen nýr skólastjóri en Guðrún Helga Jónsdóttir tekur við starfi deildarstjóra. Frá þessu er greint á vef Skagafjarðar.Meira -
Framboðsfundur í Húnaveri
feykir.is Austur-Húnavatnssýsla, Mannlíf 12.05.2026 kl. 15.06Sameiginlegur fundur framboðanna þriggja sem bjóða fram í sveitarstjórnarkosningunum í Húnabyggð verður haldinn í Húnaveri miðvikudagskvöldið 13. maí klukkan 20 en húsið opnar klukkustund fyrr. Á fundinum munu framboðin kynna stefnumál sín og boðið verður upp á umræður og spurningar.Meira -
Fyrir Skagaströnd | Daniela Esmeralda Ortega skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 12.05.2026 kl. 15.00Þegar ég og maðurinn minn Gunnar fórum að byggja upp og reka ferðaþjónustuna okkar á Skagaströnd undir nafninu Ocean Cape Cabins vissum við ekki alveg við hverju við ættum að búast. Eitt af því sem hefur komið okkur mest á óvart er hversu margir falla algjörlega fyrir bænum okkar.Meira -
Að byrja á réttum enda? | Jenný Lind Gunnarsdóttir skrifar
feykir.is Austur-Húnavatnssýsla, Aðsendar greinar 12.05.2026 kl. 14.51Skapandi lausnir í húsnæðismálum eru ekki lúxus – þær eru nauðsyn. Fjárfestum í plássi fyrir börnin og vinnuaðstöðu fyrir fólkið okkar.Meira -
Allir klárir í bátana fyrir kvöldið
feykir.is Skagafjörður, Íþróttir 12.05.2026 kl. 11.25Úrslitaeinvígi Grindavíkur og Tindastóls heldur áfram í kvöld en annar leikur liðanna fer fram í Síkinu á Sauðárkróki. Partýtjaldið verður opnað kl. 17:00, hleypt verður inn í Síkið kl. 18:15 en leikurinn hefst kl. 19:15. Samkvæmt upplýsingum Feykis er uppselt á leikinn og Arnar þjálfari segir alla leikmenn klára í bátana fyrir kvöldið.Meira
