Ímyndanir Guðbjarts
Íbúum landsbyggðarinnar er brugðið vegna áforma ríkisstjórnarinnar um niðurskurð á heilbrigðisstofnunum vítt og breitt um landið. Það skýtur skökku við að sá sem stýrir aðförinni að heilbrigðisþjónustunni sé Guðbjartur Hannesson, heilbrigðisráðherra Samfylkingarinnar, en hann lofaði hátíðlega fyrir síðustu kosningar að gætt yrði sérstaklega vel að jafnvægi á milli höfuðborgar og landsbyggðar þar sem tekið verði einkum tillit til þeirra svæða sem fóru varhluta af þenslunni miklu.
Í Feykisviðtali þann 14. október sl. greinir Guðbjartur Hannesson frá því að honum hafi brugðið þegar hann sá svakalegar niðurskurðartölur sem vel að merkja enginn annar en hann lagði sjálfur fram í fjárlagafrumvarpi ríkisstjórnarinnar. Guðbjartur reynir að skýla sér á bak við það að frumvarpið hafi verið að mestu unnið í tíð Vinstri grænna í ráðuneytinu. Vissulega er það rétt en engu að síður er vægast sagt ómerkilegt og kjánalegt að reyna að telja fólki trú um að hann hafi sem þáverandi formaður fjárlaganefndar ekkert vitað af stórfelldum skipulagsbreytingum á heilbrigðisþjónustu landsmanna.
Guðbjartur Hannesson hefur verið mjög upptekinn maður á kjörtímabilinu þar sem gríðarlega mikil orka fór í það hjá honum sem formanni fjárlaganefndar að þvinga Icesave-samninginn í gegnum þingið enda rann honum blóðið til skyldunnar sem gömlum Landsbankamanni. Afraksturinn af þeirri vinnu var sá að samningurinn var kolfelldur af þjóðinni og gott ef formaður fjárlaganefndar greiddi ekki sjálfur atkvæði gegn honum! Ekki minnkuðu annir Guðbjarts við að vera sleginn til ráðherratignar vegna vel unninna starfa í Icesave en hann treysti sér ekki til þess að mæta á einn einasta af fjölmörgum íbúafundum sem haldnir voru til að ræða grundvallarbreytingar á heilbrigðisþjónustu landsbyggðarinnar. Í áðurgreindu viðtali greinir Guðbjartur frá því að hann telji að einhver hrepparígur hafi komið í veg fyrir sameiningu
eða samvinnu heilbrigðisstofnana á Norðurlandi vestra. Fullyrðingin um hrepparíg er algerlega órökstudd og hlýtur að byggjast á ímyndun. Ég finn, sem sveitarstjórnarmaður á Norðurlandi vestra, miklu frekar fyrir miklum vilja til samvinnu og eindrægni allt frá Fjallabyggð til Bæjarhrepps, m.a. í málefnum fatlaðra og fleiri málum.
Í sjálfu sér er ekki hægt að búast við því að ráðherrar Samfylkingarinnar sem hafa verið mjög uppteknir í Evrópumálum, Icesave-málum og jafnvel heilbrigðisþjónustu í fjarlægum heimshlutum geti gefið sér tíma til að gægjast í fjárlagafrumvarp sem þeir eru sjálfir að leggja fram en þó verður að gera þá kröfu til þeirra að umræða um framtíð heilbrigðisþjónustu á Norðurlandi vestra byggist ekki ímyndunum og jafnvel fordómum.
Sigurjón Þórðarson
formaður Frjálslynda flokksins
Fleiri fréttir
-
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira -
Opið fyrir umsóknir í Slipptöku Driftar EA 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 12.16Drift EA er að fara af stað með mjög spennandi nýsköpunarprógramm fyrir frumkvöðla og teymi með þróaðar hugmyndir. Um er að ræða fjórar vinnustofur sem endar á kynningu – og getur opnað leið fyrir þátttakendur inn í Hlunninn, ársprógramm með fjármagni, ráðgjöf og stuðningi. Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn.Meira -
Afmælishátíð Hollvinasamtaka HSB
feykir.is Austur-Húnavatnssýsla, Lokað efni 25.04.2025 kl. 09.45Þann 19. apríl voru 20 ár frá stofnun Hollvinasamtaka HSB. Að því tilefni verður efnt til afmælishátíðar í húsakynnum HSN á Blönduósi, næstkomandi sunnudag 27. apríl kl. 13:00-16:00.Meira -
Ægir Björn keppir á WodlandFest
feykir.is Skagafjörður, Íþróttir 25.04.2025 kl. 09.30Í morgun byrjaði hin fræga WodlandFest í Malaga á Spáni en þetta er einn af stærstu CrossFit viðburðum ársins í greininni og stendur yfir í þrjá daga. Þarna keppist besta CrossFit íþróttafólk í heimi um sæti á verðlaunapallinum og þeir sem enda í tveimur efstu sætunum fá keppnisrétt á Crossfit heimsleikana. Þessi viðburður sameinar því keppni, samfélag og adrenalín í umhverfi sem er hannað til að hvetja til mikilleika í CrossFit heiminum.Meira -
Styrktarhlaup Einstakra barna þann 1. maí á Króknum
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 08.33Það er að skapast sú fallega hefð að halda styrktarhlaup þann 1. maí á Sauðárkróki fyrir Einstök börn. Allt skipulag í kringum hlaupið er í höndum hlaupahópsins 550 Rammvilltar en fyrst hlaupið var haldið árið 2023. Þetta er því í þriðja skiptið sem þær stöllur setja þennan viðburð á og hefur þátttaka farið fram úr björtustu vonum. Rúmlega 200 manns hlupu, gengu eða hjóluðu sér til gamans í fyrra og vonast skipuleggjendur að svipuð þátttaka verði þetta árið. Nú þarf bara að grafa upp hlaupaskóna og koma sér í hlaupagírinn fyrir 1. maí.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.