Leiðsagnarmat - Áskorandinn Sigurður Þór Ágústsson, skólastjóri Grunnskóla Húnaþings vestra
Í Grunnskóla Húnaþings vestra hefur verið horft á nýjar leiðir í námsmati í samvinnu við skólana á Húnavöllum, Blönduósi og Skagaströnd. Þessi samvinna hófst haustið 2017 og eru skólarnir á öðru ári í þessari innleiðingu sem kallast leiðsagnarmat. Leiðsagnarmat er svo sem ekki nýtt fyrirbæri í sjálfu sér en kjarninn í þessari nálgun á námsmati er að nemandinn fær skýra sýn á markmið viðfangsefna og leiðsögn til að leysa þau sem best úr hendi.
Leiðsagnarmat er námsmatsaðferð til þess að læra af og nýtist bæði nemendum og kennurum. Fyrir kennara nýtist hún til að bæta og ígrunda eigin kennslu, kennsluaðferðir og upplýsingagjöf. Fyrir nemendur felur matið í sér sjálfsskoðun í samvinnu við kennara eða samnemendur. Þeir fá tækifæri til þess að velta fyrir sér eigin námi, taka þátt í gagnkvæmri endurgjöf og skipuleggja nám sitt út frá sínum forsendum. Markmiðið er að nemandinn efli námsvitund sína, og skilji styrkleika og veikleika sína og þar með ábyrgð og sjálfstæði í vinnubrögðum.
Til að setja þessa námsmatsaðferð í samhengi við kennslu sem flestir þekkja má segja að til dæmis smíðakennarar hafi notað þessa aðferð frá upphafi. Nemandinn fær efnivið og fyrirmæli um að úr honum eigi að koma gíraffi. Hann fær leiðbeiningar um hvernig á að saga hlutinn til, hvernig á að beita áhöldunum sem þarf til verksins og hefur fullbúna fyrirmynd sem dæmi hvernig hluturinn á að líta út að lokum. Nemandinn fær leiðbeiningar við vinnslu verksins hvar hann þarf að gera betur til að fá góða útkomu, hvar á að slípa betur og hvernig á að bera sig að. Nemandinn fær einnig tækifæri til þess að ræða verkefnið og setja sitt mark á hvernig lokaafurðin lítur út.
Það er þetta ferli sem kennarar í skólanum tileinka sér markvisst í öllum námsgreinum, að finna áhugaverðar leiðir til að gera nemendur ábyrga og virka í námi í stað þess að klára tiltekna bók og taka próf í lokin og þá kemur kannski í ljós að lítið sat eftir. Það er nefnilega ekki alltaf staðreyndaþekking sem skiptir máli heldur hæfnin til að temja sér vinnubrögð sem skila árangri og hægt er að yfirfæra á næstu verkefni eða viðfangsefni daglegs lífs.
Áhugaverð grein birtist í veftímaritinu Skólaþræðir þar sem einu svona leiðsagnarmatsverkefni í Grunnskóla Húnaþings vestra er lýst. Í því verkefni skipulögðu nemendur útivistarferðir í Húnaþingi vestra sem söluvöru og mörg önnur áhugaverð dæmi fyrir foreldra og kennara má finna á skolastofan.is undir flipanum þróunarverkefni.
Með þessum orðum skora ég á Guðnýju Hrund Karlsdóttur, sveitarstjóra í Húnaþingi vestra að tvíhenda pennastöngina til upplyftingar fyrir lesendur Feykis.
Áður birst í 38. tbl. Feykis 2018
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.