Mætum á staðinn – íbúalýðræði í sveitarfélaginu Skagafirði
Íbúalýðræði og samráð við íbúa eru orð sem voru mikið notuð í aðdraganda sveitarstjórnarkosninga síðastliðið vor. Í því samhengi var meðal annars talað um þátttökuaðferðir, en þær eru nokkrar og mis bindandi. Nú í haust var tekin samhljóða ákvörðun í sveitarstjórn sveitarfélagsins Skagafjarðar að bjóða íbúum upp á opna íbúafundi þar sem rædd verður fjárhagsáætlun ársins 2019 og íbúum gefinn kostur á að koma með sínar hugmyndir um áhersluatriði í þjónustu og framkvæmdum.
Þetta er ein þátttökuaðferð af nokkrum þar sem íbúum gefst kostur á að taka þátt í stefnumótun sveitarstjórnar. Eins og gefur að skilja er þetta form ekki bindandi og ákvarðanatakan um endanlega forgangsröðun þjónustu og verkefna á höndum kjörinna sveitarstjórnarfulltrúa. Engu að síður getur þetta form verið mjög áhrifaríkt til að auka íbúalýðræði. En til þess þarf tvennt; annars vegar þarf kjörna fulltrúa sem eru tilbúnir að hlusta á íbúa og meta þeirra hugmyndir á hlutlausan hátt óháð pólitík og hagsmunum einstakra hópa og hinsvegar þurfa raddir íbúanna að heyrast. Til að þessir fundir séu áhrifaríkir og marktækir fyrir sveitarstjórnarfulltrúa, er lykilatriði að mætingin sé sem best, að umræður séu opnar og málefnalegar og sem flest sjónarmið komi fram. Það gefur auga leið að við getum ekki gert allt á árinu 2019, og verkefnin eru mörg. En með góðu skipulagi og samvinnu við íbúa er hægt að vinna markvisst að þeim verkefnum sem brýnust eru, forgangsraða þeim eftir þörfum hvers svæðis fyrir sig, og þannig byggja upp það samfélag sem við viljum búa í.
Aukið íbúalýðræði er eitt af því sem ByggðaListinn leggur gífurlega mikla áherslu á og fulltrúar listans og nefndarmenn hafa það að leiðarljósi í sinni vinnu. Að því sögðu, skorum við á ALLA íbúa sveitarfélagsins Skagafjarðar að mæta á þá íbúafundi sem verða haldnir víðsvegar í Skagafirði á næstu dögum og láta rödd sína heyrast.
28. nóvember:
-17:00 Hólar í Hjaltadal, Undir Byrðunni
-20:00 Varmahlíð, Menningarhúsið Miðgarður
29. nóvember:
-17:00 Hofsós, Höfðaborg
-20:00 Sauðárkrókur, Mælifell
ByggðaListinn
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.