Nói frá Saurbæ einn af uppáhaldshestunum - Hestamaðurinn Sigríður Gunnarsdóttir
Það er óhætt að segja að hestar séu stór hluti af lífi séra Sigríðar Gunnarsdóttur, sóknarprests á Sauðárkróki, þó kannski óbeint sé. Hún er gift tamningamanninum Tóta, Þórarni Eymundssyni, sem gert hefur garðinn frægan á keppnisvellinum innan lands sem utan. Þau Sigga og Tóti eiga þrjú börn, Eymund Ás (16), Þórgunni (13) og Hjördísi Höllu (6) en til gamans má geta að Þórgunnur hefur verið iðin í keppnum og unnið til verðlauna. Sigga er hestamaður Feykis að þessu sinni.
Hverra manna ert þú? -Ég er dóttir Helgu Árnadóttur og Gunnars Oddsonar í Flatatungu á Kjálka.
Hve mörg hross átt þú eða fjölskylda þín? -Ég á eina hryssu samkvæmt worldfeng og helming eða minna í svolitlum hópi. Við fjölskyldan eigum allskonar hesta, nokkra ferða- og fjölskylduhesta, þrjár hryssur sem við ræktum undan, fáein tryppi og örfáa sparihesta sem mér er sjaldan eða aldrei boðið á bak á.
Móskjóni, sá aftari, var mikill gæðingur og góður smalahestur.
Hver er fyrsta minningin tengd hestum? -Ætli það hafi ekki verið samningaviðræður við Kára bróðir um lán á Lúsa? Hann var eini reiðhesturinn í Tungu sem hægt að var kalla alvöru barnahest. Lúsi var mjög traustur og ólíkur öðrum hrossum í Tungu því hann var latur.
Hver er uppáhaldshesturinn þinn og af hverju? -Ég á marga uppáhaldshesta. Nói frá Saurbæ er einn þeirra. Hann er fyrsti hesturinn úr okkar ræktun sem slær í gegn. Nói var í úrslitum í A-flokki á Landsmótinu í sumar með eiganda sínum og knapa Sinu Scholz.
Hvað var það skemmtilegasta sem þú gerðir í sumar, tengt hestum? -Við förum yfirleitt á hverju sumri í hestaferð með þremur öðrum fjölskyldum. Núna í sumar var riðið um blómlegar sveitir vestur í Húnavatnssýslu, m.a. yfir Hópið. Það var frábær ferð.
Nói frá Saurbæ og Sina Scholz á Landsmóti hestamanna í sumar.
Áttu einhverja sögu tengda hesti sem fallinn er frá? -Pabbi gaf mér móskjóttan hest þegar ég var stelpa. Móskjóni var undan Elg frá Hólum. Hann var mikill gæðingur en kaldlyndur og var lengst af númeri af stór fyrir mig sem knapa. Ég réði ekki almennilega við Skjóna fyrr en hann var orðinn harðfullorðinn. Skjóni hafði gaman af að smala. Eitt haustið lentum við Skjóni í niðaþoku upp á fjalli fyrir sunnan og ofan Tungu. Ég missti áttirnar undireins en Skjóni vissi alveg hvar hann var og fann bæði kindur og leiðina heim.
Hvað ertu að gera þessa dagana, eða á næstunni, tengt hestum? -Núna er spennandi tími í hesthúsinu þegar að ungu hrossin eru að koma í frumtamningu. Alltaf skemmtilegt að fylgjast úr fjarlægð með nýjum vonarstjörnum. Svo styttist í Laufskálaréttir, gaman að fara þangað ef vel viðrar.
Áður birst í 35. tbl. Feykis 2018
Fleiri fréttir
-
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.