Öflugur Skagafjörður – líka mitt mál!
Árið 2010 flutti ég í Skagafjörðinn og hóf búskap með unnusta minum Jesper. Okkur fannst þetta vera tækifæri sem við gátum ekki sleppt og við sjáum svo sannarlega ekki eftir því enda forréttindi að fá að byggja upp fyrirtæki í blómlegu héraði. Það voru vægast sagt viðbrigði að flytja frá Árósum í Danmörku, þar sem ég var í skóla og Jesper tiltölulega nýútskrifaður. Sumir höfðu á orði að við værum komin að mörkum hins byggilega heims. Við komumst samt fljótlega að því að þetta var alls ekki raunin. Okkur var vel tekið og það er ekki annað hægt að segja en að fólkið hér sé gestrisið og tilbúið að hjálpa þegar þess er þörf.
Að sjálfsögðu varð ég strax heilluð af fegurðinni hér í Skagafirði. Það er fátt fallegra en að keyra niður Vatnsskarðið þegar sólin er að setjast og horfa yfir Skagafjörðinn í allri sinni dýrð eða sitja í heita pottinum í sundlauginni í Varmahlíð og horfa á fjöllin í kring. Það sem kemur skemmtilega á óvart við lífið í Skagafirði er meðal annars fjöldi þeirra sem er á mínum aldri og eru bændur. Það er virkilega gaman að sjá að landbúnaður er ekki á undanhaldi.
En hvað fær mig til að vera með í pólítísku starfi, vilja fylgjast með og reyna að hafa áhrif? Er ekki mikið auðveldara að horfa á og taka ekki þátt? Ég tók meðvitaða ákvörðun um það að fyrst ég er ákveðin í því að búa og ala upp börnin mín hér þá eigi ég að láta það mig skipta hvernig þróun mála verður.
Málefni ungs fólks með börn skipta mig máli og í haust tók ég sæti í foreldrafélagi leikskólans Birkilundar í Varmahlíð. Þar hefur verið mikið rætt um húsnæðisvandamál leikskólans. Þar eru börn á biðlista og er þetta vandamál sem þarf að leysa. Að mínu mati hefði mér fundist betra að vita meira um flutningsáform leikskólans. Núna hefur verið haldinn kynningarfundur og hlustað hefur verið á rök foreldra og starfsmanna. Stefna verður að lausn þessa máls í sátt við meiri hluta þeirra sem þetta mál snertir. Veruleikinn er þannig í dag að báðir foreldrar treysta því að geta verið á vinnumarkaði og eigi ekki á hættu að missa af tækifærum í vinnu ef of langt hlé verður vegna barnsfæðinga.
Gott samfélag má alltaf bæta og til að halda fólki í Firðinum og fjölga íbúum þarf að fjölga atvinnutækifærum. Fjölmörg tækifæri á sviði ferðamennsku eru fyrir hendi og það er synd að sjá ekki fleiri ferðamenn stoppa og njóta alls þess sem hér er hægt að upplifa. Mér finnst vera kraftur og metnaður í íbúum hér og er bjartsýn á framtíðina í Skagafirði.
Munið að kjósa - þetta er líka ykkar mál!
Halla Ólafsdóttir, 7. sæti á lista Sjálfstæðisflokksins
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.