Sælan í sveitinni :: Áskorandinn Elín Lilja Gunnarsdóttir - Vatnsnesi
Margir sem maður talar við og hafa flutt búsetu sína frá æskuslóðunum fá ansi oft heimþrá en þannig er það svo sannarlega ekki hjá mér. Ég flutti búsetu mína úr Skagafirði yfir í Húnaþing vestra árið 2016 og gæti ég ekki verið hamingjusamari með þá ákvörðun, hér höfum við, ég og maðurinn minn Elmar Baldursson, byggt upp líf okkar og framkvæmt ansi mikið á síðastliðnum árum.
Ég hugsa oft um það hve heppin ég er. Það eru mikil forréttindi að fá að búa í sveit og ala börnin upp í kringum dýrin, sjá börnin vaxa úr grasi, dafna og mynda kærleiksrík og góð sambönd við dýrin.
Eins og margir vita eru samgöngurnar ekki ásættanlegar á Vatnsnesinu en þangað flutti ég alveg yst á Nesið og sé alls ekki eftir því. Þrátt fyrir að samgöngurnar séu ekki boðlegar þá er svo æðisleg og stórbrotin náttúrufegurðin sem er hérna á Vatnsnesinu og heldur maður bara í vonina um að einn daginn verði búið að gera veginn allan Vatnsneshringinn boðlegan allt árið um kring og þá verður ekkert annað en fullkomið að búa á Vatnsnesinu.
Húnaþing vestra er sveitarfélag sem ég tel að allir íbúar geti verið stoltir af. Það er ansi margt vel gert hjá sveitarfélaginu, til dæmis frekar gott skref sem var stigið fyrir fjórum árum síðan þegar sveitarfélagið byrjaði á því að bjóða tveimur elstu árgöngunum í leikskólanum að hafa möguleika á því að nýta skólaakstur ef það er laust pláss í skólabílunum. Með þeim möguleika eru mun meiri líkur á því að foreldrar í sveitinni sendi börnin frekar í leikskóla og nýtist tími bænda mun betur í þeirra vinnu í stað þess að þurfa að skutla börnunum í leikskóla enda getur vegalengdin verði ansi löng í sveitinni.
Félagslífið er virkilega öflugt í sveitarfélaginu og er öllum gefið tækifæri til þess að blómstra og finna eitthvað við sitt hæfi. Margt er í boði í þessu lita sveitarfélagi en dæmi um félagsstörf eru félag eldri borgara, sem hefur aldrei verið með eins öflugt félagsstarf og síðustu ár, Handbendi brúðuleikhús býður upp á alls konar námskeið og sýningar, leikfélagið sem hefur sett upp hverja stórsýninguna á fætur annarri, mikið kórastarf er í sveitarfélaginu og er nýjasti kórinn Rokkkrókinn í Húnaþingi vestra og hefur hann þá sérstöðu að vera eini rokkkrókinn þar sem allir hafa sinn eigin míkrófón á tónleikum. Já, það er óhætt að segja að það er nóg í boði fyrir alla þá sem vilja.
Þrátt fyrir að mér hafi liðið vel í uppeldis sveitarfélaginu mínu Skagafirði þá hefur mér aldrei liðið eins vel og í Húnaþing vestra. Það er óhætt að segja að það er gott að búa í Húnaþing vestra.
Ég skora á Eygló Hrund Guðmundsdóttir að skrifa pistil í Feyki.
Áður birst í 6. tbl. Feykis 2023.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.