Sagan af dúknum dýra - Dæmisaga til útleggingar
Ævaforn, fagurlega útsaumaður dúkur liggur útbreiddur á borðinu. Í þennan dúk höfðu horfnar kynslóðir í aldanna rás saumað þau spor sem prýddu hann. Í miðjunni var mynstrið stærst, en smærra mynstur dreifðist um dúkinn. Með jaðrinum voru saumaðir einskonar útverðir sem römmuðu inn dúkinn og gáfu honum sterkan heildarsvip.
En þessi fallegi dúkur var farinn að trosna. Sporin, einkum við jaðarinn, voru farin að rakna og þræðir að slitna úr vefnaðinum.
Konan sat hugsi og horfði á dúkinn. Íhugaði hvað hún gæti gert til að forða honum frá skemmdum eða eyðileggingu. Ef til vill væri best að rekja upp ysta mynstrið og klippa burt trosnuðustu jaðrana.
Ef ég geri það hugsaði konan, þá endar með því að að dúkurinn trosnar inn að miðju og mynstrið skemmist. Nei, það er ekki hægt. Þá missir dúkurinn þennan heildarsvip sem jaðarmynstrið gefur honum og sjarmi hans glatast. Líklega er best að finna viðeigandi garn og endurnýja sporin sem eru að rakna,- áður en þau hverfa alveg því þá getur verið erfitt að endurheimta upphaflega fegurð dúksins.
Og hún settist og bróderaði á ný löskuðu sporin. Sum voru við það að hverfa svo það var erfitt að átta sig á hvernig best myndi að lagfæra þau. Með elju og útsjónarsemi tókst henni að lagfæra mynstrið næstum að upphaflegu horfi. Best fannst henni þó að henni hafði tekist að koma í veg fyrir að dúkurinn raknaði upp inn að miðjumynstrinu, sem trúlega hefði þá farið sömu leið fyrr eða seinna.
Getum við heimfært þessa litlu dæmisögu upp á byggðina okkar?
Björg Baldursdóttir, skipar 3. sæti á lista VG og óháðra
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.