Staldrað við í núinu – Áskorandinn Inga María Baldursdóttir
Eftir að hafa lesið pistil síðustu viku þar sem Eyrún Sævarsdóttir fjallar um listina að lifa fannst mér tilvalið að halda örlítið áfram á þeirri braut. Það er nefnilega þetta með að lifa og njóta, hægja ögn á sér og staldra við í núinu.
Síðustu ár hafa farið í það að mennta sig, safna peningum fyrir húsnæði, eignast börn, koma börnunum á legg, vinna aðeins meira fyrir stærri bíl og stærra húsnæði. Vinnan fer að hafa forgang, áhugamálunum fer fækkandi, stundum barnanna á leikskólanum fer að fjölga ásamt því að samverustundum fjölskyldunnar fækkar. Við vorum farin að sjá á eftir þessum gæðastundum og tókum þá mjög stóra ákvörðun um að breyta til og prófa eitthvað allt annað. Lengi vel vorum við búin að velta því fyrir okkur að fara erlendis til að læra annað tungumál og kynnast nýrri menningu. Við vildum flytja í land þar sem hraðinn væri minni, vinnudagurinn aðeins styttri og einfalt að aðlagast samfélaginu. Auk þess vildum við ekki fara of langt frá Íslandi svo einfalt væri að ferðast á milli.
Í maí á þessu ári fluttum við fjölskyldan því til Danmerkur. Margir hafa sterkar skoðanir á þessari ákvörðun okkar og vilja meina að það sé afar óskynsamlegt að segja upp vinnu, selja húsnæði og halda út í óvissuna. Ég vil meina að þetta sé stórkostlegt ævintýri sem allir fjölskyldumeðlimir njóta góðs af. Það er nefnilega þannig að Ísland fer ekkert á meðan við erum hérna og því alltaf hægt að koma aftur. Tilgangur ferðarinnar er fyrst og fremst sá að bæta við sig meiri menntun og sækja okkur reynslu til að taka með okkur aftur heim. Á þessum örfáu mánuðum höfum við upplifað stórkostlega hluti sem fjölskylda, við erum jú í þessu saman og hefur gæðastundunum fjölgað töluvert. Eldri strákurinn okkar er byrjaður á leikskóla og er orðin ansi fær í dönskunni. Við eigum nágranna sem koma frá Afríku, við fengum sól upp á hvern einasta dag í allt sumar og við fáum að hjóla í umhverfi sem er ansi langt frá því að vera flatt. Stundum þarf maður bara að skella sér í „þetta reddast“ gírinn og leyfa sér að njóta þess sem lífið bíður upp á. Við vitum ekkert hvert framhaldið verður en ef ekkert gengur upp komum við aftur heim, reynslunni ríkari með fangið fullt af ógleymanlegum minningum.
Ég ætla að skora á frænku mína og nöfnu Stefaníu Ingu Sigurðardóttur að taka við pennanum.
Áður birst í 34. tbl. Feykis 2018
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.