Bökur úr afgöngum slá í gegn
Sigfríður Sigvaldadóttir á Hvammstanga hefur hafið framleiðslu á bökum í eldhúsinu heima hjá sér á Hvammstanga. Urðu bökurnar til einn daginn fyrir slysni í raun. Sigfríður var að taka til snarl handa húsbóndanum, sletti deigi í form og henti út í það ýmsum afgöngum úr ísskápnum. –Þetta sló heldur betur í gegn hjá honum Bjössa mínum, sagði Sigfríður í samtali við Dreifarann. –Hann bað bara um meira en því miður átti ég ekki sömu afganga og áður og því fór annað hráefni í næstu böku og hann varð bara enn ánægðari.
Upp frá þessu fóru þau hjón að hugsa um hvort raunhæft gæti verið að fara að fjöldaframleiða þessar bökur, en komust fljótt að því að trúlega félli of lítið til af afgöngum á heimilinu til að standa undir stórri framleiðslu, en það ætti alla vega að vera hægt að framleiða 2-3 bökur daglega. – Við búum auðvitað bara tvö í kotinu og því eru afgangarnir ekki miklir hjá okkur. Það skemmtilega við bökurnar er að maður veit aldrei hvernig þær verða á endanum, því afgangarnir sem í þær eru notaðar, eru ekki alltaf þeir sömu, sagði Sigfríður.
Þegar hafa bökurnar slegið í gegn á Hvammstanga en þær eru til sölu í kaupfélaginu og fá færri bökur en vilja, þar sem aðeins eru framleiddar 2-3 á dag. Hafa því myndast biðraðir við kaupfélagið þegar það opnar á morgnana og jafnvel hefur orðið vart við ryskingar þegar viðskiptavinir hlaupa að bökustandinum. Sigfríður hyggst kynna bökurnar í kaupfélaginu í dag föstudag á milli kl. 17 og 18.
Fleiri fréttir
-
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.