Gunni Gól varð fyrir vonbrigðum með EM 2012
Gunnar Kristinsson, oft kallaður Gunni Gól, hefur átt misjafnar stundir fyrir framan sjónvarpið nú á meðan Evrópumótið í knattspyrnu hefur staðið yfir. Hann hélt með Portúgal, Frakklandi og Englandi en þessi lið voru öll dottin úr leik og leikmenn farnir í sumarfrí þegar Dreifarinn hitti Gunnar að máli.
Gunni, þetta hefur ekki gengið eins og þú reiknaðir með? –Nei, ég var orðinn svekktur meira að segja áður en mótið byrjaði.
Nú, hvað var í gangi? –Nú Rio var ekki valinn í liðið.
Spilar hann með Brasilíu? –Nei, hvað er þetta maður, hann er enskur hann Rio, Rio Ferdinand maður. Spilar með Júnæted á Englandi.
Leeds Júnæted? –Nei nei nei, Manchester maður! Hann spilaði reyndar áður með Leeds en það var áður en ég fór að fylgjast með honum.
Ég þykist skynja að Manchester sé þitt lið? –Já, Júnæted.
Hvernig gekk honum þarna Ryan Giggs á EM? –Uuu... hann fór ekki á EM.
Er hann orðinn of gamall? –Nei, hann er frá Wales, ekki Englandi.
En er hann ekki að spila á Englandi? –Júúú... en þetta EM er sko landsliðakeppni þannig að allir sem spila á Englandi... æji, sleppum þessu.
En hann þarna Rúní, hvernig gekk honum, hann er enskur er það ekki? –Wayne Rooney, jú, hann er Englendingur. Hann var ekki alveg í formi á þessu móti. En hann er alveg magnaður leikmaður. Einn sá besti í heimi.
Nú hélst þú með þremur liðum sem öll eru úr leik. Hvað kom fyrir hjá Frökkum? –Nú þeir tóku Evra út úr liðinu, alveg fáránlegt maður.
Spilar hann í Frakklandi? –Uuu, nei reyndar ekki. Hann spilar með Júnæted á Englandi... Manchester Júnæted.
OK. En hver var uppáhalds leikmaðurinn þinn á mótinu? –Það var Ronaldo.
Já, hver hefur ekki heyrt um hinn brasilíska Rónaldó? –Einmitt vinur. Nei nei nei, Christiano Ronaldo, hann spilar með liði Portúgals. Spilaði áður með Júnæted. Besti leikmaðurinn í heiminum í dag.
Nei, er það ekki þessi sem spilar með Barcelóna? –Messi? Nei, nei hann er ekkert sérstakur. Rónaldó er miklu heilsteyptari leikmaður, hann getur skorað mörk í öllum regnbogans litum, hlaupið með boltann, tekið skærin, geðveikur skotmaður, frábær skallamaður, eldsnöggur, svo er hann svo vel af Guði gerður, glæsilegur leikmaður. Svo þegar hann tekur aukaspyrnur þá er það bara eins og liðið hans sé að fá víti, hann er svo öruggur.
Núnú, gerði hann mörg mörk úr aukaspyrnum á EM? –Hann er alla vega miklu betri en Messi.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.