Herramenn koma saman á ný - Sætaferðir úr Trékyllisvík
Í tilefni af fimmtugsafmæli trymbilsins Karls Jónssonar, eða Kalla Krata eins og hann er kallaður, mun Hljómsveitin Herramenn koma saman á Mælifelli í kvöld. Feykir.is tók einlægt viðtal við Kalla Krata.
Kalli Krati hóf feril sinn sem trymbill með hljómsveitinni Metan sem síðar varð Herramenn.
Eftir að hafa setið við símann heilt kvöld tókst strákunum fyrir um 20 árum að koma lögum inn á vinsældalista og varð lag þeirra Nótt þér hjá hvað vinsælast. Þá sló slagarinn Í útvarpi í gegn á sínum tíma og þykir furðu sæta að strákarnir hafi ekki fengið verðlaun fyrir þann texta
einan og sér.
Karl flutti frá Króknum í leit að frægð og frama og eftir að hafa þvælst um landið í ein 15 ár snéri hann aftur á Krókinn síðla árs 2006.
-Ég var eitthvað að tromma á Ísafirði og eftir að ég hætti þar sá ég að það eina sem ég átti eftir sem trommari var að fá að tromma hjá Geira (Geirmundi Valtýssyni, innskot blaðamanns). Ég sagði því við konuna, -elskan við flytjum og við fluttum, segir Kalli sem enn hefur ekki fengið ósk sýna uppfyllta. -Ég hef nokkrum sinnum náð augnkontakti við Geirmund en hann hefur enn ekki boðið mér með í hljómsveitina. En ég er þolinmóður maður og minn tími mun koma, bætir Kalli við.
Aðspurður um Herramannaendurkomu lofar Karl miklu stuði. -Við vorum nú hvað vinsælastir í Dölunum og á Ströndum auk þess sem við slógum eftirminnilega í gegn í Trékyllisvík. Ég hef heyrt að þar í vík séu menn að skipuleggja hópferð og hafi þegar verið pantaður langferðabíll í ferðina, segir Kalli.
Hvaða lög munið þið taka? -Það er nú verið að vinna í því þessa dagana að þrengja lagavalið niður en það er nokkuð ljóst að við munum syngja Í útvarpi enda er lagið það lag sem við erum hvað stoltastir af, ekki síst textanum í viðlaginu sem við vorum lengi að klára. Það tók alveg heila nótt að ná að láta hann ríma rétt heima á Hólaveginum.
Hér má heyra lagið Í útvarpi sem hefur ekki hljómað á öldum ljósvakans í 20 ár.
Fleiri fréttir
-
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira -
Meistarar Vals reyndust Stólastúlkum sterkari
feykir.is Skagafjörður, Íþróttir 15.05.2024 kl. 09.26Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.Meira -
Krækjur gerðu gott mót
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 15.05.2024 kl. 08.30Dagana 9.–11. maí sl. fór Öldungamót Blaksambands Íslands fram í íþróttahúsinu Varmá í Mosfellsbæ. Mótið er haldið ár hvert og var þetta í 47. skiptið sem það fer fram. Að þessu sinni var það í höndum Blakdeildar Aftureldingar en þetta er stærsta blakmót ársins fyrir fullorðna einstaklinga þar sem leikgleði og skemmtun er í fyrirrúmi. Yfirskrift mótsins var gleði og var vonast til þess að liðin mættu til leiks í glaðlegum búningum og mátti sjá þá ýmsa skrautlega – bæði ljóta og flotta.Meira -
Bess klárlega einn af þeim bestu sem Pétur hefur spilað með
feykir.is Skagafjörður, Íþróttir 14.05.2024 kl. 21.48Það hefur verið pínu þannig síðustu vikurnar að stuðningsmenn Stólanna hafa verið með hálfgerða körfubolta-timburmenn. Menn kannski búnir að vera með smá ofnæmi og ekki verið í þörfinni að ræða frammistöðu vetursins hjá meisturunum okkar. Fréttir af því að Javon Bess, fyrrum leikmaður Tindastóls, hafi verið valinn varnarmaður ársins í Þýskalandi gæti hafa kveikt körfuneistann á ný hjá einhverjum og því sendi Feykir nokkrar spurningar á Pétur Rúnar Birgisson, fyrirliða Tindastóls, og spurði út í Bess og ... já, tímabilið síðasta.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.