Hjördís Alfa sparar í jólagjöfunum
Hjördísi Ölfu Eyjólfsdóttur þykir gaman að gleðja ættingja og vini um jólin og er af þeim sökum dugleg að gefa jólagjafir. Hún reyndist sigurvegari í jólaleik Dreifarans, Sparaðu í jólagjöfum, sem fram fór í nóvember.
-Ég vil svo gjarnan gleðja allt þetta góða fólk í kringum mig en ef maður ætlar að komast á alla þessa jólatónleika og skjótast í verslunarferðir hér heima og svo ég tali nú ekki um erlendis og svona, þá hefur maður nú elskan mín ekki oft mikið á milli handanna til að eyða í gjafir til annarra, segir Hjördís Alfa.
Nú vannst þú leikinn Sparaðu í jólagjöfum Hjördís, hvaða uppástungur varstu með? -Þær voru nú svo margar og sumar kannski ekkert frumlegar. Ég veit nú um marga sem geyma gömlu tómu konfektkassana og fara svo á konfektkynningar í verslunum fyrir jólin og safna í 6-7 kassa. Það getur auðvitað tekið svolítinn tíma en ef ég fer með börnin og barnabörnin með mér þá get ég nú náð í eins og í tvo kassa á einum eftirmiðdegi. Svo hef ég reyndar farið svolítið í tapað/fundið og það hefur nú alltaf borgað sig. Þar er svoooo margt lekkert og stundum lítið notað.
Já frábært, ertu með fleiri sparnaðarráð? -Ég læt pakka öllu inn fyrir mig í verslunum og ég endurnýti jólakortin eins og hægt er, en þá er líka alveg nauðsynlegt að skrifa inn í þau með blýanti og helst laust.
Ekki biðurðu fólk um að senda þér jólakortin þannig? -Nei nei, ég nálgast kortin sem ég sendi sjálf.
Nú er ég ekki að skilja þig Hjördís. -Jú sjáðu, á milli jóla og nýárs þá reyni ég að heimsækja fólkið sem ég sendi kort til, fæ kaffi og konfekt og kannski pínu koníak og svo eins og maður gerir gjarnan þá kíkir maður aðeins á jólakortin og þá er þetta bara spurning um að sæta lagi og stinga kortinu sem ég sendi ofan í veskið þegar enginn sér til.
Er þetta nú ekki ansi langt gengið? -Nei alls ekki, ég fæ líka lánaðar DVD myndir hjá honum bróður mínum og gef þær og segi honum svo að ég hafi tínt þeim eða bara að ég hafi ekki fengið þær lánaðar. Hann á svo mikið af svona dóti sem hann gerir ekkert með.
En Hjördís, þetta heitir að stela. -Æi láttu ekki svona, hann er búinn að sjá allar þessar myndir maðurinn og mér þykir bara svo gaman að geta verið svona rausnarleg yfir jólin. Það er talað um það.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.