Kreppuna heim!
Dreifarinn hleraði á kaffistofunni að hópur fólks á Norðvesturlandi hefur nú stofnað samtökin „Kreppuna heim“. Tilgangur samtakanna er að freista þess að ná kreppunni til landshlutans, þar sem það mistókst að ná þenslunni á svæðið á sínum tíma. Illugi Gíslason er forsvarsmaður samtakanna sem byggð eru á rústum félagsins „Góðærið heim“;
„Já okkur finnst þetta vera hróplega ósanngjarnt og við fáum ekkert af kreppunni frekar en öðru sem ríkisvaldið stendur fyrir“, segir Illugi, en hann er einnig meðlimur í Samtökum áhugamanna um jarðgangagerð sem Dreifarinn fjallaði um í frétt sinni um daginn. „Við reyndum hvað við gátum að ná góðærinu og þenslunni hingað á svæðið en okkur tókst ekki að ná eyrum ráðamanna í þeim efnum og því hreinlega verðum við að berjast fyrir því að kreppan nái hingað til okkar og skelli af fullum þunga á heimilum og fyrirtækjum á svæðinu“, segir Illugi. Hann segir að næg atvinna sé á Norðvesturlandi og hreinlega eftirspurn eftir vinnuafli og það bara gangi ekki. „Við getum ekki alltaf sætt okkur við að vera skilin út undan“, segir Illugi að lokum. Þess má geta að samtökin hafa stofnað heimasíðu á netinu á slóðinni www.kreppunaheim.is
Fleiri fréttir
-
Landsáætlun um riðuveikilaust Ísland komiin í samráðsgátt
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 08.34Bjarkey Olsen Gunnarsdóttir matvælaráðherra hefur lagt fram í samráðsgátt landsáætlun um riðuveikilaust Ísland. Áætlunin er unnin af starfshópi sem var skipaður í janúar 2024 og gerir hún ráð fyrir umtalsverðri breytingu á nálgun við útrýmingu riðuveiki frá því sem verið hefur. Horft er frá því að reyna að útrýma riðusmitefninu sjálfu en megináhersla lögð á að útrýma veikinni með ræktun fjárstofns sem ber verndandi arfgerðir gegn smitefninu ásamt áframhaldandi aðgerðum til að hefta mögnun og dreifingu þess.Meira -
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira -
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Hótel Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.