Leigir út ketti til ýmissa verkefna
Í kreppunni hafa ýmsir tekið upp á ótrúlegustu hlutum til að hafa í sig og á. Núna nýlega opnaði Sigfinnur Eyjólfsson á Sauðárkróki kattaleigu, en þar getur fólk leigt sér ketti til hinna ýmsu nota.
Hugmyndin af kattaleigunni kviknaði hjá Sigfinni fyrir nokkrum vikum síðan, þegar hann varð var við músagang í geymslunni hjá sér. –Þá bölvaði ég því að eiga ekki kött, fór til Stebba í næsta húsi og fékk köttinn hans lánaðan í dagpart. Fyrr en varði lágu fjórar dauðar mýs við fætur mér og Keli alveg alsæll, sagði Sigfinnur við Dreifarann. –Ég haf honum bara fisk að borða og hann fór kátur heim til sín eftir þetta. Þá má segja að boltinn hafi farið að rúlla hjá mér og ég ákvað að taka nokkra ketti í mína þjónustu og núna leigi ég þá út til hinna ýmsu verkefna, segir Sigfinnur.
Helst blómstrar leigan þegar kemur að músaveiðum, en einnig hefur hann leigt ketti í sérstakar kúristundir, en þá geta leigjendur fengið kött í tvo tíma og nota hann til að kúra hjá köttum, klappa þeim og knúsa segir Sigfinnur. –Ég er líka með sérstaka ketti til undaneldis og getur fólk sem á breimandi læður leigt hjá mér stóra og stæðilega högna í sólarhring, en ég greiði engin meðlög eða neinn kostnað með kettlingum sem kunna að koma í framhaldinu, fólk þarf að skrifa undir sérstaka yfirlýsingu þess efnis, segir Sigfinnur. Þá býður hann upp á það að fólk geti fengið nokkra kettlinga senda heima sér til skemmtunar og ánægju, en kettlingar eru fjörugir að sögn Sigfinns.
Sigfinnur hefur stofnað heimasíðuna kattaleiga.is þar sem allar upplýsingar er hægt að nálgast.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.