Ósátt við svör björgunarsveitarmanna
Guðrún Dóróthea Bergþórsdóttir hafði samband við Dreifarann og var örg. Hún segist hafa verið að safna kjarki til að segja sögu sína og nú hafi hún loks ákveðið að slá til en hún er ósátt við þjónustu björgunarsveitarinnar.
Aðspurð segist hún hafa vaknað upp um miðja nótt í suðvestanroki í janúar en þá var eins og danska trommuhljómsveitin Safri Duo væri með tónleika í garðinum hjá henni. –Ég áttaði mig nú fljótt á því að í rokinu höfðu nokkrar dósir – örugglega bjórdósir – fokið inn í garðinn hjá mér og það er svona stétt fyrir utan svefnherbergisgluggann og svo bílskúrsveggur þar norðan við og dósirnar rúlluðu og hentust utan í veggina með því-lík-um há-vað-a að ég var að verða tjúlluð. Guð minn góður. Svo ég hentist á fætur og hringdi í björgunarsveitina og þar voru menn nú ekki að svara í fyrstu hringingu.
Jæja? –Nei, en ég gaf mig sko ekki. Þegar ég sagði þeim frá látunum þá voru þeir bara dónalegir við mig. Spurðu hvort ég gæti ekki skotist út í garð og týnt saman þessar dósir allar saman.
Nú, voru þetta margar dósir? –Alla vega þrjár.
Hvað gerðist svo? –Nú ég sagði eitthvað svona: Það er naumast, þið getið verið að eltast við einhver karlrassgöt sem sitja föst upp um fjöll og firnindi en þegar það er hringt bara hérna innanbæjar þá er það ekki nógu fínt fyrir ykkur.- Sem er svo satt. Ég meina, ég var ekkert klædd til að fara svona út um miðja nótt og veðrið kolbrjálað en þeir eru með galla og allt sem þarf. Mér fannst þetta rooosa-lega lé-legt. Ég sagði karlinum alveg hvað mér fannst.
Hverju svaraði hann? –Hann bað mig bara um að vera rólega. Ég meina það!? Svo er maður að kaupa flugelda af þessum mönnum.
Hvernig endaði þetta mál? –Ég bað hann bara vel að lifa, skellti á og fór aftur í háttinn. Það kom enginn og sótti þessar dósir, ég varð að gera það sjálf næsta dag og þá voru þær frosnar við stéttina. Ég varð að sparka í þær til að losa þær.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.