Sælla er að gefa en þiggja...
Þorgerður Hrefna Árnadóttir (58) frá Innvík í Lýtingsstaðahreppi hringdi reið í Dreifarann og sagði að nú gæti hún ekki lengur orða bundist. „Við hér frammi í sveit erum alltaf látin sitja á hakanum, ykkur þarna úti á Krók finnst aldrei neitt merkilegt gerast hjá okkur í sveitinni. Þið voruð ekki að segja frá því þegar ég var að gefa skólanum hérna! Nei! Ja, ég er í það minnsta búin að fá mig fullsadda á þessu óréttlæti.“
Hvað höfum við gert og hvað segirðu, varstu að gefa skólanum gjöf? -Já, það var ég sko að gera. En þið þarna á Króknum hringsnúist bara alltaf ef þessi Baltivin byrjar eitthvað að sperra sig. Jahá, þið strjúkið ykkur upp við hann eins og malandi kettir.
Hvað ertu að meina Þorgerður? -Láttu nú ekki eins og þú vitir ekki hvað ég er að tala um. Það er alltaf eitthvað svona: Baltimar vinnur til verðlauna, Baltimar fær gesti og Baltimar hitt. Og já, nú síðast, Baltimar gefur klippigræju. Það sauð bara á mér þegar ég sá þetta. Það er alveg makalaust að fylgjast með þessum tvískinnungi alltaf hreint og nú hef ég bara fengið nóg af þessu óréttlæti. Er þetta vegna þess að ég er úr sveitinni, nú, eða vegna þess að ég er ...KONA?!
Róleg Þorgerður, hvað varstu að tala um gjöf. Hvaða gjöf var þetta? -Gjöf!? Segðu heldur gjafir góði minn. Ég er sko búin að gefa skólanum hérna tvisar.
Tvisvar? Og bara núna nýlega? -Nýlega jájá, það má alveg segja það, fyrra skiptið á afmælisdaginn minn 16. febrúar 1995 og svo nákvæmlega tíu árum síðar þegar ég hélt upp á fimmtugsafmælið. Og var eitthvað minnst á þetta í þessum ræfils snepli ykkar? Nei, nei, nei.
Hvað varstu að gefa skólanum Þorgerður? -Það var eins, já bara alveg eins og hann þarna Baltimon gaf þarna um daginn – ég gaf klippigræjurnar mínar. Ég er nú búin að vinna við þessa iðn svona meðfram öðru síðustu 20 eða 25 árin. Þau kunnu að meta þetta í skólanum hérna þó þetta þætti ekki blaðamatur hjá ykkur úti á Krók.
Já, þetta hafa heldur betur verið veglegar gjafir Þorgerður. Ég biðst nú afsökunar á að hafa ekki sagt frá þessu. Voru þessar klippigræjur mikið notaðar hjá þér? -Já þetta var orðið töluvert, alveg töluvert, og ég segi það nú ekki að bitið var orðið nokkuð lélegt en þetta hafa örugglega verið þrír og kannski fjórir hausar á viku. Kannski engin uppgrip í þessu en það er náttúrulega svo mikið af svona hárgreiðslukonum úti á Krók og fólkið hérna í sveitinni nýtir oft tímann í svona umstang og fínerí ef það þarf að skreppa úteftir.
Fleiri fréttir
-
Þegar fyrsti leikur fer í gang er sumarið komið!
feykir.is Skagafjörður, Íþróttir 20.04.2024 kl. 14.37Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.Meira -
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.