Samtök um jarðgangagerð á Norðvesturlandi stofnuð
Hópur fólks í Vestur- Húnvatnssýslu hefur stofnað með sér samtök um jarðgangagerð á Norðvesturlandi. Það er Finnur Greipsson bóndi í Hrútafirði sem leiðir samtökinn og var hann einróma kosinn formaður þeirra á stofnfundinum nú um daginn. Hann var einn í kjöri.
Ekki hefur farið mikið fyrir jarðgöngum á svæðinu og freistast margir til að efast um notagildi þeirra. – Þetta snýst ekkert um notagildi, sagði Finnur í spjalli við Dreifarann. Málið er að Norðvesturland er að verða eina landssvæðið, eftir að Siglfirðingar færðu sig austar, þar sem ekki er að finna nein göng og okkur finnst það súrt í broti. Okkur finnst eins og ríkið hafi bara gleymt okkur.
En hvar væri hægt að bora jarðgöng? – Það má örugglega finna marga staði, segir Finnur, en þó höfum við rætt það af fullri alvöru að bora undir Hrútafjarðarhálsinn. Það myndi ekkert endilega bæta samgöngurnar á neinn hátt, hugsanlega bara hægja á hraðanum og gera það erfiðara að keyra í svo löngum og dimmum göngum, en um það snýst málið ekkert, ríkið hefur bara gleymt þessu svæði þegar kemur að jarðgöngum og við viljum benda á það hróplega óréttlæti.
Þess má geta að samtökin verða með opinn kynningarfund á fimmtudaginn kemur í félagsheimilinu Víðihlíð.
Fleiri fréttir
-
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira -
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Hótel Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira -
Meistarar Vals reyndust Stólastúlkum sterkari
feykir.is Skagafjörður, Íþróttir 15.05.2024 kl. 09.26Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.