Skúli stöðvaður grunaður um smygl
Skúli Oddsson skrifstofumaður var á leið til útlanda á dögunum þegar hann lenti í neyðarlegu atviki sem fékk nokkuð á hann. Skúli hefur alla sína hunds- og kattartíð verið til mikillar fyrirmyndar bæði í starfi og einkalífi, hefur verið giftur sömu konunni í 37 ár og á með henni tvær dætur. -Þetta eru yndislegar dætur sem ég á, segir Skúli. -Hún Friðbjört mín er í tannlæknanámi í Svíþjóð og Gullveig hefur nýlokið námi í lögfræði.
Það er gott að heyra Skúli, en hvað segirðu, þú ætlaðir til útlanda? -Já, við ætluðum saman hjónin til Madeira og höfðum ákveðið að taka hana tengdamóður mína með, semsagt móðir hennar Arnfríðar minnar. Hún varð nefnilega 100 ára í fyrrahaust en var hálf lasburða þá svo við ákváðum að bíða og sjá hvort hún yrði ekki hressari með vorinu.
100 ára. Er hún ekki svolítið gömul til að ferðast? -Nei, hún er svo ern hún tengdamóðir mín, alveg eins og nýsleginn túskildingur.
Og hvað segirðu, hvað gerist svo? -Já við hérna pöntum ferðina og allt í lagi með það en það versnaði nú í því þegar við ætluðum í gegnum öryggishliðið í Leifsstöð. Þar vorum við hreinlega stöðvuð og ég tekinn afsíðis. Það kemur einhver yfirmaður og hann segir við mig: -Þú gerir þér grein fyrir hvað tengdamóðir þín er gömul. -Nú jájá, ég veit allt um það, segi ég. -Hún er meira en 100 ára, segir hann. -Ég geri mér fyllilega grein fyrir því, segi ég. -Þú ert að brjóta lög vinur minn, segir hann þá...
Brjóta lög? -Já, hann sagði það og ég spyr hvað hann sé eiginlega að meina. -Þú þekkir kannski ekki lögin varðandi fornminjar, segir hann þá. -Nei, segi ég og hann segir þá: -Það er stranglega bannað að flytja brott með sér fornminjar sem eru 100 ára eða eldri og þú vinur minn ert einmitt að brjóta þessi lög á þessari stundu. Þetta getur varðað allt að sex ára fangelsisvist, allt eftir alvarleika brotsins, segir maðurinn.
Ég er svo aldeilis! Og hvernig endaði þetta? -Nú ég var auðvitað farinn að svitna og konan mín og tengdamóðir orðnar ansi órólegar. Og ég spyr hann: Hvað ætlarðu að gera, ætlarðu að handtaka mig maður, við erum bara á leiðinni til Madeira og komum aftur eftir tvær vikur? Ég lofa að koma með tengdamóðir mína aftur til landsins.- Ég var alveg í öngum mínum. Hann horfir alvarlegur á mig og segir: -Nei væni minn, hún fer ekkert til Madeira í dag, ég verð að koma henni í gæslu á Þjóðminjasafnið... -Á Þjóðminjasafnið!!!? hrópa ég upp yfir mig og þá springur helv... maðurinn úr hlátri. Þá var hann búinn að bíða árum saman eftir tækifærinu til að gera þennan hrekk.
Ég er svo aldeilis. Og hefur þetta einhver eftirmál? -Æi nei. Mér er sagt að samtalið hafi verið tekið upp og sýnt á árshátíð þeirra þarna í Keflavík og vakið mikla lukku. Ég held að ég geri nú ekkert mál úr þessu, Gullveig mín var alveg öskuill og vildi kæra manninn, en ferðalagið tókst svo vel og maður hlær bara að þessu í dag.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.