Strákarnir okkar eru ekki strákarnir hans
Freyr Gallsteinsson hrossaræktandi kom að máli við ritstjórn nú í upphafi vikunnar og sagði farir sínar ekki sléttar. Það er handboltinn sem er alveg að leggja líf hans í rúst.
Freyr kannast ekkert við að nafn hans hafi handboltalegan hljóm. -Ég vil bara að það komi fram að þetta eru ekki strákarnir mínir, þeir eru ekki hætishót skildir mér eins og alltaf er verið að ýja að. Ja, ekki svo ég viti til og ég hef ekki séð ættarsvipinn minn á neinum þessara pilta.
Aðspurður sagðist Freyr hafa ímugust á handbolta. -Þetta eru bara skrílslæti og endalausar barsmíðar. Ekki skil ég hvernig þeim hjá Ríkisútvarpinu dettur í hug að sýna þennan ósóma. Og svo vinna þeir aldrei neitt þessir eymingjar, eru í mesta lagi að koma heim með silfur eða brons. Ég er búinn að sækja þó nokkur heimsmeistaramót íslenska hestsins og ég get nú sagt ykkur það að alltaf er það íslenski hesturinn sem stendur uppi sem sigurvegari.
En Freyr, það er bara keppt á íslenskum hestum á HM íslenska hestsins. Þú vissir það? -Nja, það eru fréttir fyrir mér góði minn!
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.