Þjóðvegurinn um Eyjafjörð styttur um 30 Km?
Nýtt einkahlutafélag ÚR LEIÐ ehf hefur gert könnun á styttingu Hringvegarins um Eyjafjörð. Forsvarsmenn félagsins telja að með þessari nýju vegtengingu verði hægt að stytta hringveginn um allt að tíu kílómetra í fyrstu og um 20 kílómetra í áfanga tvö.
Hugmyndir félaganna ÚR LEIÐ ehf eru að grafa 8 Km löng göng úr Öxnadal, við Bakkasel, yfir í Skjóldal í Eyjafirði, það er undir Gloppufjall. Þjóðvegurinn myndi þá koma inná Eyjafjarðarbraut við Möðrufell. Með þessu móti verður hægt að sleppa því að aka um Öxnadal og Hörgárdal og ekki síst verður hægt að komast hjá því að aka í gegnum Akureyri sem eigendur félagsins telja að sé ein versta hraðahindrunin á þjóðveginum. Með þessu verði hægt að stytta hringveginn um 10 kílómetra og að minnsta kosti 20 mínútur, bætir Agnar „Sveri“ Ekilsson forsvarsmaður félagsins við. Áfangi tvö gerir svo ráð fyrir því að göng um Vaðlaheiði verði flutt sunnar þannig að ekið verði yfir Eyjafjarðará við Hrafnagil og svo í tveim göngum, annars vegar í Fnjóskadal til móts við Fjósatungu og þaðan yfir að Ljósavatni en þetta gæti stytt þjóðveginn enn frekar eða um allt að 20 Km.
Aðspurður um hvort það komi ekki til með að mæta andstöðu hjá verslun og þjónustu á Akureyri að skera bæinn svona frá þjóðveginum svarar Agnar „Sveri“ því til að það skipti engu máli. „Þjóðvegurinn er mjög mikilvægur fyrir samgöngur í landinu og því ber okkur að stytta allar vegalengdir eins og við getum. Sérhagsmunir þorpsbúa á landsbyggðinni hafa lítið vægi þegar litið er til heildarhagsmuna allra íbúa landsins. Þorp sem losna við hringveginn úr byggðalaginu ættu bara að vera þakklát fyrir að umferð þar minnki og ég get ekki séð að flutningur þjóðvegarins eigi að hafa áhrif á verslun og þjónustu á Akureyri“
ÚR LEIÐ ehf mun leggja hugmyndir sínar fyrir hreppstjórnir Hörgárhrepps og Eyjafjarðarsveitar á næstunni.
Fleiri fréttir
-
Bess klárlega einn af þeim bestu sem Pétur hefur spilað með
feykir.is Skagafjörður, Íþróttir 14.05.2024 kl. 21.48Það hefur verið pínu þannig síðustu vikurnar að stuðningsmenn Stólanna hafa verið með hálfgerða körfubolta-timburmenn. Menn kannski búnir að vera með smá ofnæmi og ekki verið í þörfinni að ræða frammistöðu vetursins hjá meisturunum okkar. Fréttir af því að Javon Bess, fyrrum leikmaður Tindastóls, hafi verið valinn varnarmaður ársins í Þýskalandi gæti hafa kveikt körfuneistann á ný hjá einhverjum og því sendi Feykir nokkrar spurningar á Pétur Rúnar Birgisson, fyrirliða Tindastóls, og spurði út í Bess og ... já, tímabilið síðasta.Meira -
Kosningar um sameiningu Húnabyggðar og Skagabyggðar
feykir.is Austur-Húnavatnssýsla 14.05.2024 kl. 16.27Sveitarfélögin Skagabyggð og Húnabyggð boða til íbúakosninga á grundvelli 119. gr. sveitarstjórnarlaga um sameiningu sveitarfélaga en sveitarstjórnir beggja sveitarfélaga hafa fjallað um álit samstarfsnefndar á grundvelli greinargerðar sem nefndin vann um sameiningu sveitarfélaganna.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla 14.05.2024 kl. 16.08Utankjörfundaratkvæðagreiðsla vegna forsetakjörs þann 1. júní 2024 er hafin.Meira -
Alþjóðlegi safnadagurinn er á laugardaginn
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 14.05.2024 kl. 13.23Alþjóðlegi safnadagurinn verður haldinn hátíðlegur 18. maí næstkomandi. Af því tilefni verður frítt að heimsækja Byggðasafn Skagfirðinga í Glaumbæ á milli kl. 11-15. Þá verður sömuleiðis opið hjá Byggðasafni Húnvetninga og Strandamanna að Reykjum í Hrútafirði milli kl. 13 og 16 þar sem m.a. verður boðið upp á barnaleiðsögn um hákarlaveiðar.Meira -
Húnaþing vestra auglýsir starf verkefnisstjóra stjórnsýslu-, atvinnu- og kynningarmála
feykir.is Vestur-Húnavatnssýsla 14.05.2024 kl. 12.40Húnaþing vestra leitar að drífandi einstaklingi í stöðu verkefnastjóra stjórnsýslu-, atvinnu- og kynningarmála á fjármála- og stjórnsýslusviði sem vinnur þvert á öll svið sveitarfélagsins. Um fjölbreytt og spennandi framtíðarstarf er að ræða hjá sveitarfélagi í sókn. Starfið krefst færni á ýmsum sviðum, m.a. á leiðum til kynningar- og miðlunar, umsjón viðburða, styrkjaumhverfi, stjórnsýslu, o.m.fl. Um 100% starf er að ræða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.