Unnar Helgi klikkar ekki í stóra klukkumálinu
Unnar Helgi Rafnsson hafði nýverið samband við skrifstofu Dreifarans og sagðist búa yfir merkilegri hugmynd. „Ég er sko búinn að leysa þennan klukkuvanda í eitt skipti fyrir öll,“ sagði hann hróðugur og bætti við: „Og ég héddna sko, þetta er svo einfalt maður að ég skil bara ekki hvað annað fólk getur verið vitlaust að hafa ekki fattað upp á þessu á undan mér.“
Unnar, sem vinnur nú um stundir sem sjálfskipaður fjölmiðlarýnir fyrir sunnan, hefur víða komið við á ekki svo langri ævi. „Já, blessaður vertu héddna sko, ég er sko búinn að reyna flest og héddna yfirleitt verið ómissandi. Það náttúrulega þýðir að maður hefur verið eftirsótt vinnuafl skiluru og kannski ekki sko stansað lengi í hverri vinnu sko.“
En hvað segirðu Unnar, hvernig ertu búinn að leysa klukkumálið? „Ja ég skal sko segja þér það sko vinur. Þú veist að það er alltaf annað hvort sko verið að pæla héddna í að seinka klukkunni eða kannski flýta henni sko. Þú hefur héddna sko heyrt talað um þetta, er það ekki?·
Jú. „Já ég héddna er sko alveg með lausnina. Hún er einföld sko. Hlustaðu nú vel. Við bara héddna fjölgum klukkutímunum í sólarhringnum!“
Ha? Hvað segirðu? „Ég sagði sko fjölgum: F - J - Ö - L - G - U - M. Svo einfalt er það sko héddna vinur.“
Ókei. Og hvernig leysir það vandann? „Jú sjáðu héddna, þetta er nefnilega snilldin sko, svo asskoti snjall hjá mér sko. Þetta þýðir nefnilega að ef við höfum sko til dæmis þrjátíu tíma í sólarhringnum, þá í stað þess að vakna klukkan sjö sko, þá getum við vaknað héddna klukkan hálf níu. Og ef við miðum sko við átta tíma vinnudag þá erum við héddna komin heim sko í skjannabjörtu og nógur tími til að grilla og fara héddna í golf og þannig sko.“
En hvernig ætlarðu að fjölga klukkustundunum í sólarhringnum Unnar? „Jaáá, það er nefnilega sko hin snilldin sko. Við fækkum bara mínútunum í klukkutímanum og ég er sko búinn að reikna þetta héddna allt. Þetta verða nefnilega sko crka 50 mínútur í klukkutímanum sko. Það er líka svo ansi heppileg lengd sko á klukkutíma eða sko cirka eins og einn sjónvarpsþáttur í meðallengd sko.“
Já, ég sé að þú ert búinn að hugsa þetta alla leið? „Já vinur minn, ég er sko héddna ekki svo vitlaus skal ég segja þér.“
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.