Vill ekki láta banna sexið á netinu
Guðjón Heiðar Sigurjónsson verslunarstjóri (66) setti sig í samband við Dreifarann á dögunum og var talsvert mikið niðri fyrir. Guðjón Heiðar er mikill áhugamaður um silungsveiði í vötnum en þó það fari ekki hátt eru kannski einhverjir sem vita að hans helsta ástríða eru tölur.
Hvernig kom þessi ástríða fyrir tölum eiginlega til Guðjón? -Ég veit það ekki.
Nú? -Nei, ég hef ekki hugmynd um hvers vegna eða hvenær ég fékk tölur á heilann.
Hvernig lýsir þetta sér? -Nú ég er bara upptekinn af tölum. Sem krakki var ég að skrá niður bílnúmer á ökutækjum sem áttu leið framhjá heimili mínu og ég á eitthvað um 153 stílabækur fullar af númerum, það er oft gaman að fletta þeim, sömu númerin koma jafnvel fyrir aftur og aftur. Ég safna líka reiknivélum og hér í vinnunni hef ég sérstakt dálæti á að leggja saman kreditkortanótur.
En þú ert svo áhyggjufullur núna segirðu, hvað er eiginlega í gangi? -Það er hann Ögmundur, ég held að hann sé alveg að ganga af göflunum.
Hvað er með Ögmund? -Hvað og hvað, ég skal nú segja þér það. Hann er nú bara að hugsa um að banna sexið á netinu, hann ætlar bara að banna það skal ég segja þér, BANNA ÞAÐ!!
Og er það ekki þjóðþrifamál? -Að banna sexið? Nei hættu nú. Ég held að honum verði ekki kápan úr því klæðinu. Sexinu verður ekki eytt svo auðveldlega á netinu. Ég meina; einn, tveir, þrír, fjórir, fimm, sjö, átta, níu og tíu. Það verður ekkert líf ef það er ekki sex, það sjá það allir í hendi sér. Þetta gengur aldrei upp, góði. Ég meina; er ég þá ekki 66 ára á netinu? Hahahahaha... neinei, þetta gengur aldrei upp hjá manninum.
Ég held að þú sért að misskilja eitthvað Guðjón. -Neinei, ég er ekki að misskilja eitt eða neitt, það verður að draga manninn til ábyrgðar. Það má ekki eyða sexinu!
Fleiri fréttir
-
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira -
Lifandi samfélag – er slagorð Húnaþings vestra
feykir.is Vestur-Húnavatnssýsla 24.04.2024 kl. 08.03Á dögunum var efnt til kosningar á milli fimm tillagna af slagorði fyrir Húnaþing vestra. Slagorðið Lifandi samfélag varð hlutskarpast og hefur sveitarstjórn samþykkt tillöguna. Í tengslum við kosninguna var þátttakendum boðið að skrá netfang sitt og taka þátt í happadrætti. Dregið hefur verið úr pottinum og voru Pálína Fanney Skúladóttir og Hörður Gunnarsson dregin úr pottinum.Meira -
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.