Vill gamla Staðarskála aftur
Kristinn Guðmundsson atvinnubílstjóri tók tíðindum af niðurlagningu gamla Staðarskála mjög illa. Hann var einn af þeim síðustu sem fékk afgreiðslu þar og brast í grát þegar starfsstúlkan rétti honum pulsu með öllu nema hráum og malt í gleri yfir afgreiðsluborðið. – Hvernig er það í þessum heimi eiginlega, má ekkert gamalt og gott halda sér?, spyr Kristinn og bætir við að honum hafi þótt það gríðarlega sorgleg tilhugsun að eiga aldrei eftir að fá pulsu með öllu nema hráum og malt í gleri afgreitt í gamla Staðarskála. – Það er ekki nóg með að Brúarskálinn hafi verið rifinn, heldur þarf að loka þessum stað líka. Samlokan með skinku og osti var hvergi betri en í Brúarskála og kaffi þar var alveg yndislegt, sagði Kristinn í samtalinu við Dreifarann.
Hann óskaði strax eftir áfallahjálp hjá Heilbrigðisstofnuninni á Hvammstanga þegar Staðarskála var lokað og brást stofnunin skjótt við og sendi sérfræðinga sína til Kristins þar sem hann sat sem fastast í flutningabifreið sinni á planinu fyrir utan Staðarskála hinn forna. Var hann að sögn þeirra orðinn langt leiddur og kominn með þunglyndiseinkenni.
Skv. heimildum Dreifarans, sem líkt og áður eru án allrar ábyrgðar, áformar Kristinn að efna til mótmæla í anda vörubílstjóramótmælanna síðast liðið vor og krefjast þess að gamli Staðarskáli verði opnaður að nýju og minnisvarði verði settur upp þar sem veitingaskálinn við Brú stóð áður.
Fleiri fréttir
-
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira -
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Hótel Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira -
Meistarar Vals reyndust Stólastúlkum sterkari
feykir.is Skagafjörður, Íþróttir 15.05.2024 kl. 09.26Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.