Ég og gæludýrið

Bríet Rán Stefánsdóttir, 9 ára, býr í Stekkholti rétt fyrir utan Sauðárkrók ásamt móður sinni, Hilmu Eiðsdóttur, föður, Stefáni Inga Sigurðssyni og systur, Heiði Fanneyju. Í Stekkholti er að finna bæði hesta og kindur en Bríeti Rán langar að segja okkur aðeins frá hömstrunum Karólínu og Kex. Þær systur (Bríet og Heiður) voru svo heppnar að fá sinn hvorn hamsturinn í gjöf frá vinkonu Heiðar fyrir nokkrum árum síðan og hjálpuðust þær að við að gefa þeim og halda búrunum hreinum.

Á Hólmagrundinni á Króknum býr Jóna Katrín Eyjólfsdóttir ásamt kærastanum sínum, Fannari Kára Birgissyni, og eiga þau saman  Valdísi Björgu og hundinn Mjölni. Mjölnir er skemmtileg blanda með ríkjandi Terriergen en þeir voru upphaflega ræktaðir til að veiða meindýr. Flestir voru notaðir til veiða á rottum, músum og öðrum nagdýrum en aðrir í að veiða refi, kanínur, minka og önnur stærri dýr.

Viktoría Rán á Hólaveginum á Króknum átti gullhamstur sem hét Dúlla. Viktoría er að verða tíu ára núna í mars og er dóttir Þorgerðar Evu og Tjörva Geirs og á hún yngri systur sem heitir Kamilla Rán. Feykir fékk að senda á hana nokkrar spurningar varðandi Dúllu.

Í Gilstúninu á Króknum býr Hekla Eir ásamt eiginmanni sínum, Óla Birni, og syni þeirra Birni Helga. Þau eru ein af mörgum hundaeigendum á Króknum og eiga tvo hreinræktaða Tíbetan Spaniel hunda sem heita Ludo (The magical gamer Ludo) og Astro (Glowing Astro, sable boy).

Það þekkja flestir hana Sigríði Elfu sem býr á Króknum og vinnur á leikskólanum Ársölum. Sigríður Elfa er dóttir Eyjólfs Sveinssonar vinnuvélastjóra og Ingibjargar Axelsdóttur og er elst af fjórum systkinum. Sigríður Elfa sést oft hjóla um bæinn með hund sér við hlið sem virðist hlýða henni í einu og öllu eins og góður hundur á að gera með eiganda sínum. Hann lætur það sem á vegi þeirra verður ekki laða sig út í einhverja vitleysu heldur fylgir henni hvert sem Sigríður Elfa fer. Þessi litla snót heitir Loppadís og er í daglegu tali kölluð Loppa. Loppa er íslenskur fjárhundur með dass af Border Collie og kannski einhverju smá fleiru.

Á sveitabænum Grindum í Deildardal í austanverðum Skagafirði býr ung snót sem heitir Sigurrós Viðja og er dóttir Auðar Bjarkar Birgisdóttur og Rúnars Páls Hreinssonar. Sigurrós á nokkur gæludýr en í þessum gæludýraþætti langar hana að segja frá hestinum sínum Skúmi sem er 18 vetra og kallaður Skúmsi kallinn.

Gígja Glódís Gunnarsdóttir er 12 ára dverghamsturseigandi sem býr á Freyjugötunni á Króknum. Glódís, eins og hún er oftast kölluð, er dóttir Gunnars Smára Reynaldssonar og Klöru Bjarkar Stefánsdóttur og á hún systur sem heitir Dagrún Dröfn.

Í Fellstúninu á Króknum býr voðalega snoppufríður hundur sem heitir Spori. Eigandinn er fótboltastjarnan Árdís Líf Eiðsdóttir en hún spilar með 4. flokki Tindastóls sem átti frábæru gengi að fagna síðasta sumar. Árdís Líf er í 9. bekk í Árskóla og er dóttir Eiðs Baldurssonar og Þóreyjar Gunnarsdóttur. Hundurinn hennar, Spori, er af tegundinni Cavalier King Charles og er einstaklega hentugur fjölskylduhundur.

Veronika Lilja Þórðardóttir, 6 ára, dóttir Lovísu Heiðrúnar og Þórðar Grétars sem búa á Sæmundargötunni á Króknum. Í garðinum hjá þeim má oft sjá svartan fallegan hreinræktaðan Labrador sem heitir Þoka og elskar ekkert meira en að fá að heilsa þér ef þú röltir fram hjá.

Kristjana Ýr Feykisdóttir (12 ára) sem býr á Víðimel í Varmahlíð á eina kisulóru sem heitir Mosi og er níu ára. Margir kannast eflaust við Mosa á Sauðárkróki frá því að Kristjana bjó þar því hann var duglegur að lenda í ævintýrum sem enduðu yfirleitt alltaf vel.