13 þjálfarar skráðir á þjálfaranámskeiðið
Alls eru 13 þjálfarar skráðir á þjálfaranámskeiðið sem haldið er í tengslum við körfuboltabúðir Tindastóls 2011. Námskeiðið hefst á morgun kl. 16 og eru erlendu þjálfararnir farnir að tínast í Skagafjörðinn.
Af þessu 13 þjálfurum eru 5 aðalþjálfarar úrvalsdeildarliða karla og kvenna, en það eru Njarðvíkingarnir Sverrir Þór Sverrisson sem þjálfar kvennalið félagsins og Einar Árni Jóhannsson og Friðrik Pétur Ragnarsson þjálfarar karlaliðsins. Ingi Þór Steinþórsson kemur frá Snæfelli og Benedikt Guðmundsson frá Þór í Þorlákshöfn.
Frá Njarðvík koma auk þess þau Bylgja Sverrisdóttir og Agnar Már Gunnarsson, frá Fjölni þeir Hjalti Vilhjálmsson og Bjarni Karlsson, Ágúst Guðmundsson frá Þór Akureyri tekur þátt auk heimafólksins Kára Maríssonar, Hrafnhildar Sonju Kristjánsdóttur og Karls Jónssonar.
Dagskrá námskeiðsins er fjölbreytt. Goran Miljevic ríður á vaðið á föstudag og fjallar um varnarreglur í maður á mann vörn. Borce Ilievski ætlar að sýna hraðaupphlaup inn í early offense, Perry Hunter ætlar þá að segja frá æfingaskipulagi í Henryville skólanum þar sem hann þjálfar og á eftir honum kemur Luigi Gresta sem talar um spacing, sérstakar aðstæður og reglur í uppbyggingu sóknarleiks liða. Það er síðan Spánverjinn Israel Martín, sem slær botninn í föstudaginn með umfjöllum um sóknarleik gegn svæðisvörn.
Á laugardag hefur Perry Hunter upp raust sína með motion-sókn, þá kemur Israel Martín með umfjöllun um 1-3-1 svæðisvörn. Luigi Gresta ætlar svo að fjalla um mismunandi aðferðir við að spila pick and roll og Borce Ilievski tekur fyrir varnaraðferðir gegn óbeinum screenum. Það verður síðan Goran Miljevic sem slær botninn í þjálfaranámskeiðið með umfjöllun um transition vörn, eða varnarleik úr sókn og til baka í vörn
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
