80 ár frá stofnun NLFÍ á Sauðárkróki

feykir.is Skagafjörður 05.07.2017 kl. 19.55
Afkomendur Jónasar Kristjánssonar og þeim tengdir við athöfn er blómsveigur var lagður að minnismerki um þá sem stóðu að stofnun Náttúrulækningafélags Íslands árið 1937. Á myndinni eru f.v.: Ásta Svavarsdóttir, Helgi Páll Svavarsson, Ingi Þór Jónsson, Guðberg Haraldsson, Regína Birkis, Magnús A. Sigurðsson, Kristín Hjartardóttir, Guðrún Magnúsdóttir, Ragnheiður Valdimarsdóttir og Bjarni Þórarinsson. Mynd: PF.
Afkomendur Jónasar Kristjánssonar og þeim tengdir við athöfn er blómsveigur var lagður að minnismerki um þá sem stóðu að stofnun Náttúrulækningafélags Íslands árið 1937. Á myndinni eru f.v.: Ásta Svavarsdóttir, Helgi Páll Svavarsson, Ingi Þór Jónsson, Guðberg Haraldsson, Regína Birkis, Magnús A. Sigurðsson, Kristín Hjartardóttir, Guðrún Magnúsdóttir, Ragnheiður Valdimarsdóttir og Bjarni Þórarinsson. Mynd: PF.

Náttúrulækningafélag Íslands (NLFÍ) fagnar 80 ára afmæli sínu í dag en félagið var stofnað á Sauðárkróki 5. júlí árið 1937. Í tilefni tímamótanna bauð stjórn félagsins til veislu á Heilbrigðisstofnuninni á Sauðárkróki.

Hátíðin var sett af veislustjóra og formanni afmælisnefndar, Geir Jóni Þórissyni, en hann flutti einnig ávarp Gunnlaugs K. Jónssonar, forseta NLFÍ, sem ekki átti heimangengt. Jón Ormar Jónsson flutti fyrirlesturinn „Jónas Kristjánsson, læknir á heimavelli“. Voru bæði ávörpin afar fróðleg og lýsandi fyrir framsýnan baráttumann sem Jónas var.

Eftir tónlistarflutning þeirra Sigvalda Gunnarssonar og Rögnvaldar Valbergssonar var boðið upp á veitingar að hætti Náttúrulækningafélagsins, myndbrot sýnd úr heimildamynd sem verið er að gera um Jónas.

Að lokum var blómsveigur lagður að minnisvarða um þá sem stóðu að stofnun Náttúrulækningafélags Íslands árið 1937.

Til baka

Fleiri fréttir

  • MYND FEYKIR.IS

    Flóðin tóku með sér hreiður og egg

    feykir.is Skagafjörður, Lokað efni 09.05.2025 kl. 15.40 gunnhildur@feykir.is
    Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi  og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt. 
    Meira

  • æææææjjjiiiiii og allir komnir á sumardekkin er það ekki....

    feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08 siggag@nyprent.is
    Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.
    Meira
  • Mynd tekin af heimasíðu Skagastrandar.

    Umhverfisverðlaun Skagastrandar

    feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55 siggag@nyprent.is
    Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.  
    Meira

  • Truflanir á afhendingu á hitaveituvatni á Sauðárkróki og Skarðshreppi

    feykir.is Skagafjörður 09.05.2025 kl. 11.18 siggag@nyprent.is
    Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.
    Meira
  • Hér má sjá Jóa Þórðar á gröfunni og Hólmfríði Guðmundsdóttur að skila frá sér rusli. Mynd: Davíð Már.

    Met þátttaka á Umhverfisdegi Fisk Seafood

    feykir.is Skagafjörður, Mannlíf 09.05.2025 kl. 09.29 siggag@nyprent.is
    Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.
    Meira
Yfirlit frétta