Á Brúarvöllum - Byggðasögumoli
Á bakkanum austan Grundarstokksbrúar var vorið 1938 reistur lítill timburskúr á varðgirðingunni sem lögð var meðfram Vötnunum til að hefta framgang mæðiveikinnar austur yfir Héraðsvötn. Þar var hlið á þjóðveginum og varsla við hliðið allt að sjö mánuði á ári, frá vori fram á síðhaust. Jónas Jónasson, lengi bóndi á Syðri-Hofdölum, hafði brugðið búi vorið 1936 og fékk nú starf við hliðvörsluna á sumrin. Var hann þar samfleytt í 18 ár, fram til haustsins 1955, en hljóp þó enn í skarðið fyrir eftirmann sinn nokkur ár til viðbótar.
Jónas var skemmtunarmaður mikill. Skáldskapur og bókmenntir voru hugðarefni hans og við hliðvörsluna gáfust loks stundir til að sinna þessum áhugamálum með lestri og kveðskap. Hann var snjall hagyrðingur og ritaði æviminningar og frásagnarþætti sem gefnir voru út á bók 1979 undir nafninu Hofdala-Jónas. Sjálfsævisaga. Frásöguþættir. Bundið mál.
Varðskúrinn á Grundarstokki var oft kallaður Brúarvellir, þangað komu margir og var oft glatt á hjalla, vísur gengu milli manna og urðu sumar fleygar. Frægust hefur sjálfsagt orðið þessi stemma Jónasar sem enn er mikið sungin á gleðimótum Skagfirðinga:
Bregst ei þjóð á Brúarvöllum
Braga g1óð sem aldrei dvín
skagfirskt blóð er í þeim öllum
sem elska fljóð og drekka vín.
/Byggðasaga Skagafjarðar 4. bindi.
Fleiri fréttir
-
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.