Aðgangseyrir af leik Kormáks/Hvatar rennur til Bergrósar
Á morgun, laugardaginn 29. ágúst, leikur Kormákur Hvöt næst síðasta heimaleik ársins í 2. deildinni en það er lið KFA frá Austfjörðum sem kemur í heimsókn á Blönduós og hefst leikurinn klukkan 14:00. Stjórn félagsins hefur ákveðið að láta allan aðgangseyri af leiknum renna óskiptan til Bergrósar Hafsteinsdóttur frá Skagaströnd en hún greindist nýverið með illvígan sjúkdóm.
„Samfélagið skiptir félagið máli og með þessu viljum við sýna samstöðu í verki og hvetjum alla þá sem eiga heimangengt að mæta á völlinn, styðja við gott málefni og sýna samstöðu. Saman getum við skipt sköpum!“ segir í tilkynningu frá Kormáki/Hvöt. „Heitt verður á könnunni, rjúkandi vöfflur á borðum og saman ætlum við að safna eins miklu og við getum.“
Einnig er hægt að leggja beint inn á reikning fyrir málefnið, þar sem margt smátt telur saman í eitt stórt.
Upplýsingarnar fyrir það eru:
- reikningsnr. 0133-26-001833
- kt. 621220-0470
Fleiri fréttir
-
Baráttan um Ísland | Ragnar Rögnvaldsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Stjórnmál 28.08.2026 kl. 10.50Baráttan um Ísland hefur tekið á sig margar myndir í gegnum tíðina. Hún hefur verið barátta fyrir því að lifa af í harðbýlu landi. Barátta sjómanna við hafið, bænda við náttúruöflin og fólks um allt land við að byggja hér upp samfélag þar sem áður var lítið annað en trúin á að það væri hægt.Meira -
Þjóðaratkvæðagreiðslan 29. ágúst
feykir.is Skagafjörður, Austur-Húnavatnssýsla, Vestur-Húnavatnssýsla 28.08.2026 kl. 09.47Þjóðaratkvæðagreiðsla um hvort Ísland eigi að hefja á ný aðildarviðræður við Evrópusambandið fer fram á morgun, laugardaginn 29. ágúst. Landskjörstjórn hefur birt auglýsingu um framkvæmdina og er atkvæðagreiðslan ráðgefandi samkvæmt kosningalögum. Kjósendur með kosningarrétt til Alþingis og forsetakjörs geta tekið þátt, og hófst utankjörfundaratkvæðagreiðsla 27. júlí.Meira -
Tilkynning | Íbúar í Varmahlíð beðnir um að fara sparlega með vatnið
feykir.is Skagafjörður, Fréttir 28.08.2026 kl. 09.15Sú sérstaka staða er komin upp að vatnskortur er víða í Skagafirði. Sérstaklega á þetta við um Varmahlíð. Af þessu tilefni hafa Skagafjarðarveitur sent frá sér eftirfarandi tilkynningu:Meira -
Ade Murkey gengur til liðs við Tindastól
feykir.is Skagafjörður, Íþróttir, Lokað efni 27.08.2026 kl. 15.00Tindastóll kynnir nýjan leikmann í Körfunni. Það er Ade Murkey, sem er áhorfendum Bónus deildarinnar vel kunnugur en hann spilaði með Álftanesi á síðasta tímabili. Murkey var með 23.3 stig, 7.7 fráköst og 2.9 stoðsendingar að meðaltali í 14 leikjum fyrir Álftanes.Meira
