Ærslabelgurinn á Króknum formlega vígður
Í morgun var formlega tekinn í notkun svokallaður ærslabelgur sem hollvinasamtökin Leikum á Króknum hefur fjármagnað með ýmsum styrkjum frá fjölmörgum aðilum. Belgurinn er staðsetur við Sundlaug Sauðárkróks og mun verða útbelgdur frá klukkan 10 á morgnana til 10 á kvöldin.
Með tilkomu ærslabelgsins rættist langþráður draumur margra barna og ekki síst Maríu Óskar Ólafsdóttur sem skrifaði félags- og tómstundanefnd ítrekunarbréf sumarið 2018 þar sem hún upplýsir að það vanti ærslabelg á Krókinn, bæði fyrir bæjarbúa og gestina sem koma hingað á tjaldsvæðið.
„Það er ekkert í boði fyrir tjaldgestina okkar. Það eru ekki allir með bílpróf sem geta farið til dæmis til Hofsóss eða Varmahlíðar. Það er mikill áhugi barna og unglinga hér á Króknum. Það væri gaman að fá hoppubelg hingað á Krókinn,“ skrifaði María. Það var því vel við hæfi að María Ósk tæki fyrstu loftköstin við vígsluna í morgun. Í kjölfarið fylgdi svo skólahópur leikskólans Ársala sem greinilega lét sér vel líka.
„Við settum af stað söfnun í byrjun september m.a. áskorunarleik þar sem fyrirtæki og félagasamtök skora á aðra að gefa. Þetta fór hægt af stað en rífandi gangur eftir að belgurinn kom á svæðið og beið eftir því að vera blásinn upp þegar söfnunin kláraðist,“ segir Sigríður Garðarsdóttir í Leikum á Króknum.
Hollvinasamtökin hafa fengið áskorun um að halda áfram að safna fyrir fleiri leiktækjum og tóku þau vel í það verkefni svo haldið verður áfram.
„Fyrirtæki, félagasamtök og einstaklingar hafa lagt þessu verkefni lið en án þeirra hefði þetta ekki verið hægt og viljum við senda þakkir til þeirra allra. Það verður gaman að sjá hvaða leiktæki verður fjárfest í næst,“ segir Sigríður.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.