Ævintýrið um norðurljósin
Ný barnaópera “Ævintýrið um norðurljósin” verður frumsýnd á Barnamenningarhátíðinni í Reykjavík, 29. apríl nk. í Ráðhúsinu en verður svo flutt norður yfir heiðar og sýnd daginn eftir í Miðgarði í Varmahlíð á Barnamenningarhátíð Skagfirðinga við upphaf við opnun Sæluviku 2017.
Óperan er byggð á sögu eftir Evgeniu Chernyshovu um ást tröllastelpu og álfadrengs, íkornann Ratatoski, álfadróttninguna, íbúa heimanna níu o.fl. Ást þeirra megnaði að búa til norðurljósin sem við dáumst að á hverjum vetri hér á Íslandi.
Leikgerð er í höndum Guðrúnar Ásmundsdóttur en tónlist eftir Alexöndru Chernyshovu sópransöngkonu og tónskáld sem lífgaði vel upp á tónlistarlífið í Skagafirði fyrir nokkrum misserum.
Þetta er önnur óperan eftir þær Alexöndru og Guðrúnu en árið 2014 frumsýndu þær í konsertuppfærslu óperuna “Skáldið og Biskupsdóttirin” um vináttu Hallgríms Péturssonar og Ragnheiðar Brynjólfsdóttur í Hallgrímskirkju í Saurbæ. Síðasta haust frumsýndu þær óperu þeirra í Moskvu í einni frægustu Tónlistarakademíu heimsins, Gnessin, og tókst þeim þá að láta rússneska óperusöngvara syngja á íslensku sem þeir gerðu með prýði.
Í maí verður Alexandra með kynningu á óperunni í Tókýó og kynnir verkið og söguna fyrir japönsku tónlistafólki.
Sýningin í Miðgarði hefst kl. 17:00 sunnudaginn 30. apríl.
Þann 2. maí, verður óperan flutt í Bergi, Hljómahöll, á Barnahátíðinni Reykjanesbæ.
Fleiri fréttir
-
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira -
Karl Lúðvíks sæmdur Gullmerki UMFÍ
feykir.is Skagafjörður, Íþróttir 30.04.2024 kl. 10.06Það var ekki nóg með að Gunnar Þór Gestsson væri sæmdur Gullmerki ÍSÍ á ársþingi UMSS um liðna helgi því auk hans var íþróttakempan og kennarinn Karl Lúðvíksson sæmdur Gullmerki UMFÍ. Í frétt á vef Ungmennafélags Íslands segir að Karl sé þekktur fyrir störf sín og er fastagestur á Landsmóti UMFÍ 50+ sem haldið er ár hvert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.