Afdalabarn Guðrúnar frá Lundi slær sölumet
Bókin Afdalabarn eftir Guðrúnu frá Lundi er nú í fyrsta sæti metsölulista Eymundsson verslana og hún er sömuleiðis söluhá hjá öðrum bóksölum. Guðrún var sem kunnugt er Skagfirðingur og kenndi sig við Lund í Fljótum en bjó síðar á Skaga og á Sauðárkróki.
Bókin sem fyrst kom út árið 1950 var um síðastliðinn mánaðamót endurútgefin. Það er fyrsta endurútgáfa á verkum Guðrúnar frá árinu 2000 þegar Dalalíf kom út hjá Máli og menningu.
Afdalabarn er mögnuð saga sem fjallar um einangrun og ást í íslenskri sveit fyrir einni öld síðan. Guðrún var metsöluhöfundur á Íslandi á þriðja aldarfjórðungi 20. aldar en naut þó ekki viðurkenningar fyrir skrif sín. Á síðustu árum hefur bókmenntageirinn á Íslandi endurmetið sögur Guðrúnar enda býr höfundurinn yfir fágætri frásagnargáfu og raunsæislegar lýsingar hennar á sveitalífinu fanga huga lesenda.
Nóbelskáldið Halldór Laxnes var einn fárra sem tók upp hanskann fyrir Guðrúnu frá Lundi á síðustu öld og kallaði hana ævintýrakerlingu íslenskra bókmennta. Hver sá sem les Afdalabarn sannfærist um réttmæti þeirra palladóma.
Útgefandi Afdalabarns er Bókaútgáfan Sæmundur sem rekin er í Bókakaffinu á Selfossi.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
