Ákall til heilbrigðisráðherra frá Hollvinasamtökum Heilbrigðisstofnunarinnar á Sauðárkróki
Í fjárlagafrumvarpi fyrir árið 2011 er boðaður 244 milljón kr. niðurskurður á fjárframlögum til Heilbrigðisstofnunarinnar á Sauðárkróki eða um 30%. Boðaður niðurskurður kemur ofan á niðurskurð ársins 2010. Öllum má ljóst vera að slíkur niðurskurður þýðir að grundvallarbreytingar verða á stofnuninni með uppsögnum tuga starfsmanna sem jafnframt mun leiða af sér óásættanlega þjónustuskerðingu fyrir íbúa Skagafjarðar.
Það er mat okkar að niðurskurðartillögurnar séu vanhugsaðar og muni þegar upp er staðið leiða til lítils sparnaðar ef nokkurs þegar að reiknað hefur verið inn í dæmið kostnaður af atvinnuleysisbótum, kostnaður sem flyst annað í heilbrigðiskerfinu, kostnaður sem flyst á sjúkratryggingar m.a. vegna ferða og tapaðar skatttekjur ríkissjóðs. Ofan á það bætist síðan sá kostnaður sem lendir á sjúklingum vegna vinnutaps, ferða og uppihalds og kostnaður sem lendir á fyrirtækjum og stofnunum í héraðinu vegna fjölgunar veikindadaga starfsmanna og barna sem af auknum ferða- og dvalartíma leiðir.
Það öllum ljóst að það þarf að spara í ríkisrekstri. Þær tillögur koma fram í fjárlagafrumvarpinu eru hins vegar afar ósanngjarnar og ekki ásættanlegar þar sem að niðurskurður á Heilbrigðisstofnuninni á Sauðárkróki er margfalt það niðurskurðarhlutfall sem Heilbrigðisráðuneytinu er gert að spara. Þess vegna áköllum við þig, heilbrigðisráðherra, um að fara aftur yfir þessar tillögur, þar sem að við trúum því að ef þær eru ígrundaðar af réttsýni og skynsemi, að þá munir þú sjá að velferð íbúa í Skagafirði er ógnað með þessum tillögum og að ríkissjóður verður nær jafnsettur eftir sem áður.
f.h. Hollvinasamtaka Heilbrigðisstofnunarinnar á Sauðárkróki
________________________
Helga Sigurbjörnsdóttir
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.