„Aldrei séð svo margt fé renna eins og rjóma niður brekkurnar“
Fjórða ráðstefnan um stuttrófukyn sauðfjár við Norður Atlantshaf var haldin á Blönduósi dagana 4.-8. september sl. Viðtal við Jóhönnu Pálmadóttur, frkvstj. Textílseturs Íslands og einn skipuleggjanda ráðstefnunnar, er í Feyki sem kom út í gær en hún sagði það hafa verið einstaklega ánægjulegt að upplifa undrun, gleði og þakklæti ráðstefnugesta. Að horfa á fólkið á öllum þeim stöðum sem voru heimsóttir var að hennar sögn ógleymanlegt.
Ráðstefnan var mjög vel heppnuð og fjölsótt en þátttakendur voru um 100 talsins, þar af yfir 60 erlendir gestir frá 13 löndum, en þeir sem komu lengst að voru frá Ástralíu og Suður-Afríku.
„Þau höfðu aldrei upplifað réttir, né réttarstörf eins og við þekkjum þau. Sannarlega eiga nokkur þeirra margt fé, en hvergi er rekið sameiginlega á afrétt eins og hér á Íslandi. Fyrir Grænlendinga sem eiga fé sem á ættir að rekja af þessu svæði var einstök upplifun að hitta bræðurna á Sveinsstöðum en þaðan kom flest af því fé. Ekta kvenfélagskaffi eins og við Íslendingar þekkjum, var þeim mjög framandi og héldu sumir að þeir væru að nálgast himnaríki!“ segir Jóhanna og heldur áfram:
„Þegar upp í Auðkúlurétt var komið veitti félag Sauðfjárbænda í A-Hún þeim smá hressingu fyrir hjartað og kom það sér vel í súldinni. Þegar féð kom niður stóðu margir með tárin í augunum yfir þeirri sjón, því þeir höfðu aldrei séð „svo margt fé renna eins og rjóma niður brekkurnar“ eins og einn sagði.“ Jóhanna segir gestina hafa dáðst að samvinnu fólksins og í heildina var allur dagurinn ótrúlegur í þeirra augum.
Viðtalið við Jóhönnu má nálgast í Feyki vikunnar.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
