Allt að 30 % niðurskurður á Heilbrigðisstofnuninni á Sauðárkróki
Samkvæmt heimildum Feykis mun niðurskurður á Heilbrigðisstofnuninni á Sauðárkrók nema allt að 30% fyrir fjárlagaárið 2011 en fjárlög verða lögð fram á alþingi síðar í dag. Mótmæli voru við stofnunina fyrr á þessu ári er heimamenn mótmæltu því að stofnunin fékk á síðasta ári eina mestu skerðingu allra stofnanna. Þá var skorið niður um 11%
Við mótmælin fyrr í vor sagði þáverandi ráðherra Álfheiður Ingadóttir að við gerð næstu fjárlaga, það er ársins 2011, yrði þessi skekkja leiðrétt. Samkvæmt heimildum blaðsins voru fjárlög þau sem nú verða lögð fram og tillögur í heilbrigðiskerfinu unnar á meðan Álfheiður var enn ráðherra.
Vísir greindi frá því fyrr í dag að skera ætti niður um 6% í velferða- og heilbrigðismálum en að í almennri þjónustu hins opinbera verði skorið niður um 9%. Þá greindi Vísir frá því að meira verið skorið niður hjá einstaka heilbrigðisstofnunum og að í einhverjum tilvikum hlypi sá niðurskurður á tugum prósenta.
-Ef þessar tölur eru réttar þá er það svívirða og aðför að stofnuninni. Stofnunin hefur nú þegar orðið fyrir verulegri skerðingu og við stóðum í þeirri meiningu að stefnt væri að leiðrétta þá skekkju sem var í fjárlögum 2010 núna í fjárlögum 2011. Þetta mun klárlega hafa áhrif á heilbrigðisþjónustu á svæðinu og skerða öryggi þeirra sem þar búa, segir Stefán Vagn Stefánsson, formaður Byggðaráðs.
Hvernig munið þið bregðast við? –Það er ljóst að við þurfum að fylgja þessu máli hart eftir því við þetta verður ekki unað. Við þurfum að kalla eftir útskýringum frá ráðuneytinu ef þetta reynist rétt sem ég vona að sé ekki. Eins bind ég vonir við að þingmenn kjördæmisins komi að þessu máli allir sem einn þar á meðal heilbrigðisraðherra, bætir Stefán við.
Hafsteinn Sæmundsson, forstöðumaður, vildi ekki tjá sig um málið að svo stöddu.
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.