Ályktun kjördæmisráðs Samfylkingarinnar í Norðvesturkjördæmi um sjávarútvegsmál
Kjördæmisráð Samfylkingarinnar í Norðvesturkjördæmi, sem kom saman til fundar á Akranesi þann 7. maí sl., sendi frá sér svohljóðandi ályktun um sjálvarútvegsmál:
„Samfylkingin í Norðvesturkjördæmi ályktar að því verði eindregið beint til forystumanna Samfylkingarinnar að í komandi viðræðum stjórnmálaflokka um stjórn fiskveiða verði eftirfarandi sjónarmið höfð að leiðarljósi:
- Auðlindir hafsins eru þjóðareign og stefna Samfylkingarinnar getur með einföldum hætti lagt grunn að sátt um nýtingu hennar.
Það er óásættanlegt að atvinnurekendur í sjávarútvegi standi á sjávarbakkanum og selji aðgang að auðlindinni á fullu verði en alþingismenn standi í hrossakaupum um hvað útgerðin eigi að greiða fyrir aðganginn.
Það er niðurlægjandi fyrir þjóðina sem eiganda auðlindarinnar að stjórnvöld telji sig nauðbeygð til að semja við stórútgerðir til að forða byggðarlögum og fólki frá afleiðingum ákvarðana þeirra um að leggja niður útgerð og fiskvinnslu.
Útgerðarmenn hafa alltaf beitt þeim áróðri að þeir verði gjaldþrota ef þjóðin leysir eignarhaldsvandann með því að taka sjálf þátt í viðskiptunum. Sú stefnumörkun sem Samfylkingin fylgir byggist þó á markaðsleið.
Útboð langtímaaflaheimilda, t.d. 5% á ári, með fyrningarleið leysir á einfaldan hátt eignarhaldsvandann. Útgerðarmenn verðleggja þá sjálfir aðganginn með því að skuldbinda sig til að greiða fast gjald af lönduðum afla en geta haldið áfram viðskiptum og óbreyttu fyrirkomulagi að öðru leyti. Þeir þurfa að sækja sér 5% árlega á markaðinn annað hvort frá ríkinu eða öðrum aðilum í útgerð.
Allar aflaheimildir verða jafngildar og fyrnast um 5%, alltaf, líka þær sem ríkið selur. Þannig verður leiðin einföld. Það er fráleitt að slík leið kollvarpi útgerð á Íslandi. Þessi leið opnar fyrir möguleika til svæðisbundinna útboða aflaheimilda til að styrkja sjávarbyggðir. Hún staðfestir þjóðareign á auðlindinni, tryggir jafnræði til úthlutan aflaheimilda og fullt verð fyrir þær.
Stefna ber að stofnun auðlindasjóðs og eðlilegri gjaldtöku fyrir auðlindanýtingu til að fjármagna samfélagsleg verkefni, uppbyggingu innviða og rannsóknir í þágu atvinnuvega. Eitt af hlutverkum auðlindasjóðsins ætti að vera að styðja sjávarbyggðir og atvinnu í þeim.“
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
