Ályktun um samgöngumál og krafa um brúargerð
Sveitarstjórn Húnavatnshrepps samþykkti á fundi sínum í gær ályktun um samgöngumál þar sem sú krafa er gerð til stjórnvalda að auknu fjármagni verði veitt til vega innan Húnavatnshrepps.
Á sama fundi var samþykkt sú krafa að Vegagerð Ríkisins byggi brú yfir Vatnsdalsá við Grímstungu sem allra fyrst, en eins og greint var frá í Feyki hrundi brúin þar í fyrradag.
Ályktunin um samgöngumál, sem oddviti lagði fram á fundinum og sveitarstjórn samhljóða, var svohljóðandi:
- fundur sveitarstjórnar Húnavatnshrepps samþykkir eftirfarandi ályktun um vegamál:
Greiðar samgöngur sem byggja á góðu vegakerfi eru nauðsynlegar forsendur fyrir uppbyggingu atvinnulífs og viðunandi afkomu heimila og fyrirtækja. Flestir tengi- og héraðsvegir í Húnavatnshreppi uppfylla engan veginn þær kröfur og fer ástand þeirra versnandi ár frá ári vegna ónógs viðhalds. Óhætt er að fullyrða að oft á tíðum eru vegirnir hættulegir vegfarendum og ættu að merkjast sem slíkir.
Það slys sem varð þegar brúin yfir Vatnsdalsá við Grímstungu hrundi undan flutningabifreið er skýrt dæmi um hversu ástandið er alvarlegt og má telja það mikla mildi að ekki varð úr stórslys.
Umferð erlendra ferðamanna hefur vaxið ár frá ári og uppbygging þjónustu við ferðamenn er nauðsynleg viðbót við atvinnulíf í héraðinu. Sú staðreynd eykur þá knýjandi þörf að fjármagni sé veitt til viðhalds og uppbyggingu vega.
Því gerir sveitarstjórn Húnavatnshrepps þá kröfu til stjórnvalda og þingmanna Norðvesturskjördæmis að brugðist verði við og auknu fjármagni verði veitt til viðhalds vega innan Húnavatnshrepps og á næstu árum verði stóraukin áhersla lögð á að leggja bundið slitlag á þá.
Fleiri fréttir
-
Litrík veðurkort næstu daga
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2025 kl. 14.45Veðurkortin eru ansi litrík næstu daga, kannski ekki jólalegasta veðrið- rok og rigning en nú er vakin athygli á slæmri veðurspá fyrir Þorláksmessu fram til Jóladags.Meira -
JÓLIN MÍN | „Var örugglega jólaálfur í fyrra lífi“
feykir.is Austur-Húnavatnssýsla, Mannlíf, Lokað efni 22.12.2025 kl. 13.38Helena Mara Velemir býr á Skagaströnd með Elvari Geir, Láreyju Möru og hundinum Mola sæta. Spurð út í hvað hún vinni við þá segir hún að það fari eftir því hvaða dagur er.Meira -
Jólaböllin árlegu
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2025 kl. 13.05Við höldum okkur við jólahefðirnar og nú eru það jólaböllin sem mörgum finnst ómissandi partur af jólum og verður heldur betur hægt að skella sér á jólaball um þessi jólin og sennilega eiga einhverjir sitt uppáhalds ómissandi jólaball.Meira -
Blása til aukatónleika
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2025 kl. 11.05Miðasala á Áramótatónleika Heimismanna þann 28. des. næstkomandi hefur gengið vonum framar og nú um helgina var komin upp sú staða að það var orðið uppselt á tónleikana.Meira -
Gerði heiðarlega tilraun til að heimsækja söguslóðir Outlander bókanna
feykir.is Vestur-Húnavatnssýsla, Listir og menning, Lokað efni 22.12.2025 kl. 11.00Hrund Jóhannsdóttir er fædd í Reykjavík, búsett á Hvammstanga, uppalin á Gauksmýri, gift, móðir tveggja barna og fædd á áratug áratuganna. Við vitum öll að tugurinn er 80 og árið er sjö. Hrund er veitingahúsaeigandi á Hvammstanga, á og rekur Sjávarborg og er framtíðar víngerðarkona. Hrund svaraði Bók-haldi Feykis um miðjan nóvember en þá var hún að gera sig klára í Edinborgarferð með hluta af bókaklúbbnum sínum sem farin var í byrjun desember. Bók-haldið birtist fyrst í JólaFeyki.Meira
